Almaty oblysynda 16 polısııa qyzmetkeri “Halyq alǵysy” medalimen marapattaldy, dep habarlaıdy Egemen.kz Polisia.kz saıtyna silteme jasap.
Jahandy jaılaǵan koronavırýs indetine qatysty pandemııa kezinde tártip saqshylary blok beketterde táýlik boıy óz otbasylarynan jyraqta qyzmet atqardy, ózderine bekitilgen aýmaqta karantın talaptarynyń qatań saqtalýyna tekserýdi turaqty júzege asyrdy. Sonymen qatar qylmystardy ashyp, quqyq buzýshylar men qylmyskerlerdi ustady.
Marapatqa ıe bolǵandar qatarynda Almaty oblysynyń PD ýchaskelik polısııa ınspektorlary, kámeletke tolmaǵandardyń isteri jónindegi ýchaskelik polısııa ınspektorlary, patrýldik polısııa batalony men rotasynyń ınspektorlary, ýaqytsha ustaý ızolıatorlarynyń qyzmetkerleri, qoǵamdyq tártipti jáne jol qaýipsizdigin qorǵaýdy qamtamasyz etý tobynyń ınspektorlary bar.