Qazaqstan Respýblıkasynyń Indýstrııa jáne ınfraqurylymdyq damý mınıstrligi búgingi energııa únemdeý kúnimen quttyqtaıdy, dep jazady Egemen.kz.
"Qazaqstan Respýblıkasynyń Indýstrııa jáne ınfraqurylymdyq damý mınıstrligi sizderdi kásibı merekelerińiz – Energııa únemdeý kúnimen shyn júrekten quttyqtaıdy!
Qazirgi ýaqytta Qazaqstan Respýblıkasynyń ındýstrııalyq-ınnovasııalyq damý baǵdarlamasynyń negizgi baǵyttarynyń biri energııa únemdeý jáne energııa tıimdiligin arttyrý saıasatyn iske asyrý bolyp tabylady. Bul sala álemdik energııa tutynýdyń ósýi jáne "jasyl ekonomıkaǵa" kóshý qajettiligi jaǵdaıynda basym baǵyttardyń biri bolyp qala beredi.
Álemdik ekonomıka men álem halqynyń ósýine baılanysty energııaǵa degen qajettilik artyp otyr. Mysaly, sońǵy shırek ǵasyrda jalpy álemdik energııa tutyný 56% - ǵa artqan. Qazirgi ýaqytta energııa tıimdiligi - álemdik ekonomıkanyń basty trendi, ol ekonomıkany tehnologııalyq damytýdyń, jańǵyrtýdyń jáne ártaraptandyrýdyń barlyq aspektilerin, eń bastysy-ekonomıkanyń básekege qabilettiligi men tıimdiliginiń ósýin qamtıdy.
Jasyl ekonomıkaǵa júıeli kóshýdiń basty sátteriniń biri energııa tıimdiligi bolyp tabylady. Qazirgi ýaqytta JIО́-niń energııa syıymdylyǵynyń kórsetkishi boıynsha Qazaqstan neǵurlym joǵary mánderi bar elderdiń qatarynda. 2025 jylǵa deıingi Strategııalyq damý josparynda Qazaqstannyń JIО́-niń energııa syıymdylyǵyn 2025 jylǵa qaraı keminde 25% - ǵa tómendetý jónindegi mindet aıqyndalǵan. Biz bul kórsetkishter osy salada aıanbaı eibek etip júrgen bilikti qyzmetkerlerdiń arqasynda júzege asatynyna senim bildiremiz.
Eldiń energııa únemdeý áleýetin eskere otyryp, sizderdiń jumystaryńyz biz úshin qurmetti jáne mańyzdy bolyp tabylady. Búgingi tańda sizderdiń kásibı daǵdylaryńyz, biliktilikterińiz, tájirıbelerińiz osy salanyń damýyna úlken septigin tıgizýde.
Sizderge árqashan tek sáttilik tileımiz! Sizderge jáne otbasylaryńyzǵa densaýlyq pen mol baqyt, al qyzmet jolynda tolaǵaı tabys tileımiz", delingen mınıstrliktiń quttyqtaý hatynda.