Qala turǵyndarynyń jobalyq usynystarǵa daýys berý kezeńi qalaı ótetini týraly О́ńirlik kommýnıkasııalar qyzmetiniń alańynda ótken onlaın-brıfıng barysynda Almaty qalasynyń Strategııa jáne bıýdjet basqarmasy basshysynyń orynbasary Janar Jazyltaeva aıtty.
Bıylǵy jyldyń 20 qazanynda «Bıýdjetke qatysý» jobasy boıynsha budget.open-almaty.kz. saıtynda ótinish qabyldaý aıaqtaldy.
«Bıylǵy jyly barlyǵy qala turǵyndarynan 23,7 mlrd.teńge bolatyn jalpy somaǵa 796 joba túsken. Qorytyndysynda 10,7 mlrd.teńge somaǵa qala turǵyndarynyń 448 bastamasy daýys berýge jiberildi. Jobalardyń bireýin avtorlardyń bireýi qaıtaryp aldy, saıtta barlyǵy 795 joba bar. О́tken jyly barlyǵy 333 jobalyq usynys túsken. Biz eki esege deıin aıtarlyqtaı óskenin kórip otyrmyz», - dep atap ótti J.Jazyltaeva.
J.Jazyltaevanyń aıtýynsha, ótinishterdiń kóbi abattandyrýǵa baǵyttalǵan: qurylys jáne trotýarlardy, pandýstardy, aryqtardy jóndeý, jalpyǵa ortaq oryndarda balalar jáne oıyn, sport alańdaryn ornatyp, jóndep, jaryqtandyrý. Sonymen birge, jaıaý júrginshiler aımaǵyn jóndeý, kúrkelerdi jóndeý jáne oryndyqtar men qoqys salǵyshtardy ornatý boıynsha usynystar engizildi.
Ruqsat etilmegen 281 jobaǵa qatysty aıtar bolsaq, keri qaıtarylýynyń negizgi sebepteri kelesideı:
jobalyq usynystardyń sanattaryna sáıkes kelmeýi;
jalpy qoldanystaǵy nysan bolyp tabylmaıdy;
jobalyq usynystardy júzege asyrý aýdan ákimi apparattarynyń quzyrettiliginen tys bolǵanda;
jumystar 2021-2022 jyldarǵa josparlanǵan;
ýchaske jeke menshik, turǵyn úı kesheniniń, baý-baqsha seriktestigi aýmaǵynda ornalasqan;
jeke kommersııalyq sıpatta júzege asyrý qarastyrylǵan.
«Aıaqtalmaǵan 60 jobalyq usynysqa qatysty aıtar bolsaq, olar avtorlary naqtylap, qaıtadan óz usynystaryn engizýi úshin túzetýge jiberildi. Soǵan qaramastan, turǵyndardan jobalyq qujattamasyn jasap, bolmasa, qandaı da bir esep júrgizý talap etilmeıdi», - deıdi Almaty qalasynyń Strategııa jáne bıýdjet basqarmasy basshysynyń orynbasary. Sarapshy komıssııa negizindegi tıisti mamandar kómek kórsetedi.
ALMATY