Qazaqstan Elshisi Álim Qırabaevtyń Polsha Senatynyń Tóraǵasy Tomash Grodzkımen kezdesýi ótti, dep habarlaıdy Egemen.kz.
Kezdesý barysynda taraptar ekijaqty qatynastardyń, onyń ishinde parlamentaralyq yntymaqtastyǵynyń qazirgi jaǵdaıy men keleshegin talqylady.
Elshi suhbattasýshynyń nazaryna Qazaqstanda júrgizilgen qoǵamdyq-saıası reformalardyń basymdyqtary, sondaı-aq 2021 jyldyń 10 qańtaryna belgilengen Parlament Májilisiniń kezekti saılaýyna qatysty daıyndyqtar týraly aqparat usyndy.
Otandyq dıplomat Prezıdent Qasym-Jomart Toqaevtyń "Jańa jaǵdaıdaǵy Qazaqstan: is-qımyl kezeńi" Joldaýynyń negizgi baǵyttarymen tanystyryp, onyń sóılegen sóziniń polıak tiline aýdarylǵan mátini bar kitapshasyn tapsyrdy.
Polsha Senatynyń Tóraǵasy Qazaqstan Prezıdenti bastaǵan reformalar prosesin tolyq qoldaıtyndyǵyn bildirdi.
Kezdesý sońynda taraptar jan-jaqty yntymaqtastyqty nyǵaıtýǵa baǵyttalǵan baılanystardy, sonyń ishinde eki el arasyndaǵy parlamentaralyq dıalogty jalǵastyrýǵa ýaǵdalasty.