TJM resmı ókili Talǵat Ýálı Aqtóbe oblysynda gaz ballony jarylyp, 9 adam zardap shekkenin málim etti, dep habarlaıdy Egemen.kz
TJM habarlaýynsha, búgin saǵat 11:36-da Aqtóbe oblysy TJD kezekshi-dıspetcherlik qyzmetine Aqtóbe oblysy Hromtaý qalasynda bir qabatty úıde órt shyǵyp, saldarynan gaz ballon jarylǵany týraly habarlama túsken. Oqıǵa ornyna Hromtaý aýdany órt sóndirý bóliminiń 10 adamy jáne 2 tehnıkasy dereý jetti.
О́rt jalpy 90 sharshy metr jerdi sharpyp, jarylystan úıdiń qabyrǵalary qulaǵan.
"Qabyldanǵan sharalar nátıjesinde saǵat 12.29-da órt tolyqtaı sóndirildi. Oqıǵa kezinde 9 adam, onyń ishinde 3 bala zardap shekti (6, 7 jastaǵy jáne jańa týǵan sábı, balalar kúıik almaǵan). Olar qazir Hromtaý ortalyq aýrýhanasyna dárigerleriniń qaraýynda", dedi Ýálı.