Saılaý quqyǵy barshaǵa birdeı

Is-sharany Ortalyq saılaý komıssııasy «Shyraq» múge­dektigi bar áıelder qaýym­das­ty­ǵy­men birlesip, Qazaqstan Respýb­lıkasyndaǵy Adam quqyq­tary jónindegi ýákil, Syrtqy ister mınıstrliginiń Erekshe tap­syrmalar jónindegi elshisi, Eń­bek jáne halyqty áleýmettik qor­ǵaý vıse-mınıstri jáne Nur-Sultan qalasyndaǵy EQYU Baǵ­darlamalar ofısiniń qatysýymen ótkizdi.

Is-sharanyń maqsaty múge­dek adamdardyń saıası jáne qo­ǵamdyq qatysýy bóligindegi Múge­dekterdiń quqyqtary týraly BUU Konvensııasynyń negizgi qaǵıdattary, múgedekterdiń saılaý quqyqtaryn qamtamasyz etý boıynsha Ortsaılaýkom júr­gizgen jumys, múgedek adam­dar­dyń saıası qatysýy salasyn­daǵy EQYU standarttary, Qa­zaqstan Respýblıkasy Parla­mentiniń ınklıýzıvtiligi jáne qol­jetimdiligi boıynsha bazalyq zert­teý nátıjeleri, sondaı-aq mem­lekettiń, ÚEU jáne halyq­aralyq uıymdardyń osy baǵyttaǵy birlesken jumysy týraly kópshilik qaýymdy habardar etý bolyp tabylady. Is-shara oflaın jáne onlaın formatta ótkizildi.

Qazaqstan Respýblıkasy Orta­lyq saılaý komıssııasy ja­nyn­­daǵy múgedekterdiń saılaý qu­qyqtaryn qamtamasyz etý jó­nindegi jumys toby otyry­synyń jáne dóńgelek ústeldiń ju­my­syna Parlament depýtattary, ortalyq memle­kettik organ­dardyń, qoǵamdyq jáne halyq­aralyq uıymdar­dyń, múgedek­terdiń qoǵamdyq bir­les­tikte­riniń, taldaý ortalyq­tarynyń ókilderi, aýmaqtyq saılaý ko­mıs­sııalarynyń tóra­ǵalary men oblystardyń, respýb­lıkalyq mańyzy bar qala­lardyń jáne astananyń jumys­pen qamtýdy úılestirý jáne áleý­mettik baǵdar­lamalar basqar­ma­larynyń bas­shy­lary, buqa­ralyq aqparat qu­ral­dary qatysty.

OSK janyndaǵy múgedek­ter­diń saılaý quqyqtaryn qamta­masyz etý jónindegi jumys toby otyrysynyń jáne dóńgelek ústeldiń jumys qorytyndylary boıynsha múgedek adamdardyń qoǵamnyń saıası jáne qoǵamdyq ómirine qatysýyn qamtamasyz etý boıynsha qarar qabyldandy.