Atyraýdaǵy ÝG-157/9 mekemesiniń aýmaǵyna mobıldi telefon salynǵan paketti laqtyrǵandar ustaldy, - dep habarlaıdy Egemen.kz
Oblystyq Qylmystyq-atqarý júıesi departamenti baspasóz qyzmetiniń aqparatyna qaraǵanda, zańsyz sálemdeme jetkizbek bolǵandar «Sergek» kameralary arqyly anyqtaldy.
«Buryn sottylyǵy bar úsh azamat Atyraý qalasynyń ortalyǵynan ustaldy. Olar QR Ákimshilik quqyqbuzýshylyq týraly Kodeksiniń 481-babymen (Qylmystyq-atqarý júıesiniń mekemelerinde, arnaýly mekemelerde ustalatyn adamdarǵa tyıym salynǵan zattar, buıymdar men nárseler berý) ákimshilik jaýapkershilikke tartyldy. Qazir ÝG-157/9 mekemesiniń aýmaǵyna beınebaqylaý kamerasy qondyrylǵan, - dep habarlady departamenttiń baspasóz qyzmeti.