Shymkent qalasynyń ákimi Murat Áıtenov Germanııanyń "DiaFlux" kompanııasynyń basshysy Teodor Morelmen onlaın formatta kezdesti, dep habarlaıdy Egemen.kz
Kezdesýde germanııalyq kompanııa Qazaqstanda dıalızatorlar men gemodıalız óndiretin zaýyt salýǵa nıetti ekenin aıtyp, ınvestısııalyq joba týraly tanystyryp ótti.
Medısınalyq qurylǵy óndirisine zamanýı tehnologııany engizýdiń mańyzyn atap ótken qala ákimi Qazaqstannyń úshinshi megapolısi eldiń jetekshi óndiristik jáne ekonomıkalyq ortalyqtarynyń biri sanalatynyn tilge tıek etti. Sonymen qatar Murat Dúısenbekuly medısınalyq qurylǵy óndirýde júzege asyrylatyn jobalar týraly josparlarymen bólisti.
Investor tanystyrǵan jobaǵa sáıkes kásiporynda gemodıalız apparaty, gemofıltrler, bıkarbonatty magıstraldar, shprıster, fıstýla ıneleri óndiriledi.
Kezdesý sońynda ákim halyqaralyq medısınalyq qurylǵylar óndirisi salasyndaǵy mamandandyrylǵan kompanııamen eki jaqty iskerlik qarym-qatynasty ornatýǵa nıetti ekenin jetkizdi.
Aıta keteıik, dıalızator apparaty búırek aýrýyna shaldyǵyp, dıalızge muqtaj bolǵan naýqastardyń qanyn tazalaý kezinde qoldanylady. Búginge deıin arnaıy súzgi qalaǵa shet memleketterden jetkizilip kelgen.