Is QR Qylmystyq Kodeksiniń 105-baby boıynsha qaralýda, dep habarlaıdy Egemen.kz Pavlodarnews.kz saıtyna silteme jasap.
Qaladaǵy kolledjderdiń biriniń birinshi kýrs stýdenti Ekibastuzda segizinshi qabattaǵy páterdiń terezesinen sekirip, qaza tapty."Atalǵan faktige qatysty QR QK 105-baby boıynsha sotqa deıingi tergeý bastaldy", dep atap ótti óńirlik polısııa departamentinde. - QR QPK 201-babyna sáıkes ózge aqparat tergeý múddesinde taratylmaıdy.
QR QK 105 – baby – "Adamdy ózin-ózi óltirýge deıin jetkizý nemese jábirlenýshini qorqytý, oǵan qatygezdikpen qaraý nemese onyń adamdyq qadir-qasıetin júıeli túrde qorlaý arqyly ózin-ózi óltirýge oqtalý". Kináli adam úsh jylǵa deıin bas bostandyǵynan shektelýi nemese aıyrylýy múmkin.
Qaza tapqan 16 jasar qyz Ekibastuz qalasynyń akademık Q.I. Sátbaev atyndaǵy ınjenerlik-tehnıkalyq ınstıtýtynda bilim alǵan. Ol toǵyz synyptan keıin "stansııalar men qosalqy stansııalardyń elektr jabdyqtary" mamandyǵynyń kúndizgi bólimine tústi, dep habarlady kolledj.