Qazaqstan Prezıdenti Qasym-Jomart Toqaevtyń halyqqa arnaǵan Joldaýymen tanystyrý maqsatynda S.Jıenbaev atyndaǵy oblystyq jasóspirimder kitaphanasynda «Prezıdent Joldaýy - jastardyń jarqyn keleshegi» atty oı-pikir saǵaty ótken bolatyn. О́tkizilgen sharanyń negizgi maqsaty: jastardy patrıottyqqa baýlý, el tarıhyn bilýge, elimizdi órkendetý úshin bilimdi urpaq bolýǵa tárbıeleý. Oqyrmandardyń boıyndaǵy ultjandylyq qasıetin kóterý, qoǵamdyq is-sharalarǵa tartý.
Prezıdentimiz Qasym-Jomart Toqaev el ekonomıkasyn, halyqtyń jaǵdaıyn jaqsartý maqsatynda memleket aldynda turǵan asqaraly mindetter týraly másele qozǵaǵan bolatyn. Joldaýda «Men halyqqa bergen ýádelerimdi mindetti túrde oryndaımyn. Biz óz jumysymyzda Elbasy usynǵan Bes ınstıtýttyq reforma men Ult josparyn tolyqqandy júzege asyrý qajettigin basty nazarda ustaýymyz kerek. Elbasymyzdyń bastamasymen qurylǵan Jańǵyrtý jónindegi Ulttyq komıssııanyń jumysyn qaıta jandandyrý qajet», dedi el Prezıdenti.
Memleket basshysynyń halyqqa arnalǵan kezekti Joldaýynyń ózindik erekshelikteri óte kóp boldy. Joldaýda mádenıet qyzmetkerlerin qoldaý týraly másele kóterilip, kelesi jyldan bastap mádenıet qyzmetkerleri eńbekaqysynyń kóterilýi, jeńildigi bar turǵyn úı baǵdarlamasyna qatysa alatyndyǵyna biz sııaqty jas kitaphanashy mamandardy qýantty. Memleket basshysy elimizdiń zeınetaqy júıesin damytý salasyna da erekshe toqtalyp ótti. Sonyń ishinde zeınetaqy jınaǵynyń bir bóligin baspana satyp alý, bilim alý úshin paıdalanýǵa bolatyndyǵy oqyrmandarymyzǵa erekshe unady. Prezıdenttiń Joldaýynda áleýmettik-ekonomıkalyq jaǵdaılarǵa jan-jaqty taldaý jasalynyp, bul jumystardy ary qaraı damytyp, ońaldyrý úshin naqty mindetter qoıyldy. Prezıdent tek aýdıtorııa ishinde ǵana emes, Joldaýdy tyńdap otyrǵan barlyq jurtshylyqpen dıalog ornatqan bolatyn. Qazaqstandyqtardy tolǵandyryp júrgen kóptegen suraqtarǵa jaýaptar berilip, sonyń ishinde sheteldikterge jer satylmaıtyndyǵyn naqty aıtqan bolatyn.
Osylaısha, Prezıdent Joldaýynyń negizgi baǵyt-baǵdarlaryn aıqyndap bergen edi. Sóz sońynda Memleket basshysy «Baǵytymyz – aıqyn, jolymyz – ashyq» deı kele, barlyq qazaqstandyqtarǵa zor jetistik, amandyq, tabys tiledi. Prezıdentimizdiń Joldaýyn tyńdap qana qoımaı, oqyrmandar óz úlesterin qosatyndyǵyn aıtyp, qýanyshtaryn jasyra almady. Sonymen qatar bıylǵy jyl ustazdar úshin sátti bastaldy. Sebebi muǵalimderge qatysty eki birdeı qujatqa qol qoıylyp, muǵalimder mártebesiniń kóterilýine jol ashyldy. 2021 jyldan bastap muǵalimderdiń jalaqysy 25 paıyzǵa artatyn bolady. Kitaphanamyzdyń tikeleı efırinde qyzmetshilerimiz Joldaýdy keńinen taldady. Bilim, sport, mádenıet, ekonomıka, aqparat, densaýlyq salasyndaǵy ózgerister men tolyqtyrýlardy halyqqa jetkizdi.
Gúlnar MÁLIK,
Saǵı Jıenbaev atyndaǵy oblystyq jasóspirimder kitaphanasynyń qyzmetkeri
Aqtóbe