Keshe Qazaqstan Respýblıkasy Ortalyq saılaý komıssııasyna «Qazaqstan Respýblıkasyndaǵy saılaý týraly» Konstıtýsııalyq Zańynyń 87 jáne 89-baptaryna sáıkes, «Aýyl» Halyqtyq-demokratııalyq patrıottyq partııasy Qazaqstan Respýblıkasy Parlamenti Májilisiniń depýtattaryn saılaýǵa kandıdattardy usyný týraly qujattaryn tapsyrdy.
Qujattardyń qatarynda saıası partııanyń joǵarǵy organynyń partııalyq tizimdi usyný týraly hattamasynan úzindi kóshirme; partııa ókiliniń ókilettikterin rastaıtyn qujat; partııalyq tizim; azamattardyń partııalyq tizimge engizýge kelisimi týraly ótinishi; tizimge engizilgen árbir kandıdattyń ómirbaıandyq derekteri; partııalyq tizimge engizilgen árbir kandıdattyń jeke kýálikteriniń kóshirmeleri; ýákiletti adam qol qoıǵan jáne saıası partııanyń mórimen rastalǵan saıası partııaǵa músheligin rastaıtyn qujattar; saıası partııanyń Qazaqstan Respýblıkasy Ádilet mınıstrliginde tirkelgeni týraly qujattyń kóshirmesi; partııanyń Qazaqstan Respýblıkasy Ortalyq saılaý komıssııasynyń shotyna saılaý jarnasyn engizgenin rastaıtyn qujat; kandıdat pen onyń zaıybynyń (jubaıynyń) kiristeri men múlki týraly deklarasııalar tapsyrǵany týraly memlekettik kiris organynyń anyqtamasy bar.
Ortalyq saılaý komıssııasy Partııalyq tizimderge engizilgen Qazaqstan Parlamenti Májilisiniń depýtattyǵyna kandıdattardyń Konstıtýsııada jáne «Qazaqstan Respýblıkasyndaǵy saılaý týraly» Konstıtýsııalyq Zańynda qoıylatyn talaptarǵa sáıkestigin tıisti organdarǵa suraý salý negizinde anyqtaıdy.
Parlament Májilisiniń depýtattaryn saılaý jónindegi kúntizbelik josparǵa sáıkes partııalyq tizimderdi usynýdy saıası partııalar aǵymdaǵy jylǵy 10-30 qarasha aralyǵynda (saǵat 18.00-ge deıin) júzege asyrady. Partııalyq tizimderdi tirkeý aǵymdaǵy jylǵy 10 qarashada bastalyp, 10 jeltoqsanda saǵat 18.00-de aıaqtalady.