Dúnıejúzilik densaýlyq saqtaý uıymy 2021 jyly Eýropada koronavırýs ınfeksııasynyń úshinshi tolqynynyń bolýy múmkin ekenin eskertti, - dep habarlaıdy Egemen.kz
Uıym Eýropa elderine vırýsty baqylaýǵa alýy kerek ekendigin eskertti.Dúnıejúzilik densaýlyq saqtaý uıymynyń arnaıy ókili Devıd Nabarro Eýropa koronavırýstyq ınfeksııa pandemııasynyń úshinshi tolqynyna 2021 jyldyń basynda tap bolýy múmkin ekenin aıtady.
«Olar birinshi tolqyndy baqylaýǵa alǵannan keıin jaz aılarynda qajetti ınfraqurylymdy salýdy jiberip aldy. Qazir ekinshi tolqyn júrip jatyr. Eger olar qajetti ınfraqurylymdy salmasa, kelesi jyldyń basynda úshinshi tolqyn bolady», – dedi Devıd Nabarro.Ol, sonymen qatar, Eýropanyń Azııa elderinen úırenetin nárse bar ekenin aıtty.«Vırýsqa jyldam ári batyl jaýap berý kerek. Ásirese basynda, vırýstyń ár túrli qaýymdastyqtar ishinde óte baıaý taralatyn kezinde. Eger siz senimsiz áreket jasasańyz, másele óte tez artady», - dedi DDU-nyń arnaıy ókili.Aıta keteıik, Eýropa elderinde koronavırýsty juqtyrǵandar sany kún saıyn artyp keledi. Álemde koronavırýs ınfeksııasyn juqtyrǵan adamdardyń jalpy sany 59 mıllıonǵa jaqyndady.