Nur-Sultanda dámhanadaǵy jarylystan keıin úsh adam jansaqtaý bóliminde jatyr. Bul týraly qalalyq densaýlyq saqtaý basqarmasynyń baspasóz qyzmetindegiler aıtty, - dep habarlaıdy Egemen.kz
Olardyń biri asa aýyr jaǵdaıda jatsa, ekeýi aýyr jaǵdaıda. № 1 jáne №2 kópsalaly aýrýhanalarǵa barlyǵy 23 adam jatqyzylǵan. Al ambýlatorlyq em alýǵa jeńil jaraqatpen 11 adam jiberilgen.
"Negizinen naýqastar túrli dárejedegi termııalyq kúıiktermen, ortasha deńgeıdegi ýly gazdan ýlanýmen, jaraqattarmen aýrýhanaǵa jatqyzyldy. Bir naýqas jambas súıeginiń jabyq synýymen travmatologııa bóliminde jatyr. Qalǵandary kombýstıologııa bóliminde. Olardyń jaǵdaıy ortasha aýyr, asqynýsyz", - dedi vedomstvodaǵylar.
Eske sala keteıik, 21 qarasha kúni elordadaǵy dámhanalardyń birinde jarylys bolǵanyn habarlaǵan edik.