Pavlodar oblysynda alıment boıynsha boryshkerler qaryzdaryn óteý esebinen páterlerinen aıyryldy, - dep habarlaıdy Egemen.kz Ádilet mınıstrliginiń baspasóz qyzmetine silteme jasap.
Pavlodar oblysynyń Ádilet departamenti óńirlik jeke sot oryndaýshylar palatasymen birlesip alıment boıynsha bereshekterdi óndirip alý jumysyn jalǵastyryp keledi.
Atap aıtqanda, jeke sot oryndaýshy T.Ǵabbasovtyń atqarýyndaǵy óndirister qatarynda boryshkerlerge tıesili páterlerdi óz betinshe satýǵa múmkindik berip, túsken shamamen 7 mln teńge qarjyny balalary aldynda paıda bolǵan bereshektikti óteýge jaǵdaı jasady.
Boryshkerlerdiń biri 2013 jyldan beri kámeletke tolmaǵan balalaryna 5,6 mln teńge qaryz bolsa, ekinshi boryshker 3 jyldyń ishinde jalǵyz balasyna 1 mln-nan astam alıment bereshek bolǵan.