Memleket basshysy Qasym-Jomart Toqaevtyń bastamasymen «Volonter jyly» dep jarııalanǵan bıylǵy jyl Syr óńirinde quramyna azamattyq qoǵam ókilderi jáne belsendi jastar engizilgen oblystyq front-ofıs qurylyp, 7 baǵytta óńirdegi muqtaj otbasylarǵa, qıyn jaǵdaıǵa tap bolǵan azamattarǵa volonterlik kómek kórsetilip keledi. Ataýly jyl aıasynda Syr Volonterlary ortalyǵy ashylyp, eriktiler kúni búginge deıin 545 qaıyrymdylyq shara ótkizip, 19 723 adamǵa járdem beripti. Jyl basynan beri jasalǵan jumystardy bir saralasaq, volonterlerdiń talaı ıgilikti istiń basynda júrgenin baıqaımyz.
Volonterler tek muqtaj otbasylarǵa ǵana emes, indet kezinde erekshe kózge túsken medısına qyzmetkerlerine de qoldaý kórsetýde. «Myń alǵys!» jalpyrespýblıkalyq aksııasy aıasynda 100-den asa medısına qyzmetkeriniń otbasyn azyq-túlik ónimderimen, 1 700 mamandy ystyq tamaqpen qamtamasyz etýge 88 erikti men 25 avtovolonter jumyldyryldy.
Munan bólek, Birgemiz. Bilim baǵyty boıynsha kópbalaly, áleýmettik jaǵynan az qamtylǵan 650 otbasynyń mektep jasyndaǵy balalaryna qajetti oqý quraldary alynyp berildi. Birgemiz: Saulyq baǵyty boıynsha sanıtarlyq talaptardyń saqtalýyn qadaǵalaý turaqty júrgizilýde.
Bul sharalardyń barlyǵy óńirdegi mesenattardyń, demeýshi azamattardyń qoldaýymen júzege asyrylǵanyn aıta ketý kerek. Qınalǵan janǵa qolushyn sozýǵa daıar isker azamattar arqasynda kóp másele sheshimin tapty.
Mysaly, jeńil ónerkásip salasyndaǵy belgili kásiporyn – «DALATEX» JShS basshysy Dilmuhamed Ábızovtiń bastamasymen qala turǵyndaryna 7 000 betperde tegin taratyldy. Kúrish óndirisindegi «Abzal ı K» kompanııasy 400 otbasyǵa azyq-túlik sebetin úlestirip, 1 kópbalaly anaǵa baspana syılady. «Abaı Dáýlet» JShS kómegimen 620 000 teńgege medısınalyq maska tigetin 4 tigin mashınasy satyp alyndy.
Osy jazda kórshiles Túrkistan oblysyndaǵy Maqtaaral aýdany turǵyndaryna sý tasqyny qaýip tóndirgen shaqta da Syr eriktileri syrttap qalǵan joq. Olar oblys jurtynan kórshiles óńir turǵyndary úshin gýmanıtarlyq kómek jınap, bastamashyl toptar men 180 volonter ondaǵan qaıyrymdylyq kerýenin uıymdastyrdy.
Eriktiler kúzdiń alǵashqy eki aıynda 20-ǵa jýyq qaıyrymdylyq shara uıymdastyryp, otyzdan astam jalǵyzbasty qartqa kómek berip, úıleriniń murjasyn tazalady, turmysy tómen otbasylarǵa azyq-túlik sebetteri, turmysqa qajetti zattar, kıim-keshek alyndy.
О́ńirde volonterlik baǵyttaǵy sharalardy qoldaý baǵytynda «Eriktiler qozǵalysyn damytý» áleýmettik jobasy júzege asyrylýda. Jobaǵa oblystyq bıýdjetten 5 mln 678 myń teńge qarjy bólindi.
Eldiń birligi synǵa túsken pandemııa kezinde jastardyń azamattyq jaýapkershilik pen belsendiliginiń artqany anyq baıqaldy. Mysaly, osydan 1 jyl buryn oblystaǵy volonterler sany 150 bolsa, búginde olardyń qatary 1000-ǵa jýyqtady. Onyń 801-i resmı erikti retinde tirkelip, óńirdiń qoǵamdyq ómirine belsendi aralasyp, óz úlesterin qosyp keledi.
Qıyn sátte jurt janynan tabylǵan eriktiler eńbegi de eleýsiz qalǵan joq. О́ńirdegi 5 mesenat, úkimettik emes uıymdardyń 10 ókili, 30 volonter Memleket basshysynyń Jarlyǵymen taǵaıyndalǵan «Halyq alǵysy» medalimen marapattaldy. Sonymen qatar pandemııa kezinde turmysy tómen 3 800 otbasyna azyq-túlik ónimderin úlestirip, 30 mıllıon teńgege oblys aýrýhanalaryna 200 dana ottegi konsentratoryn alyp bergen «El-Araı» qoǵamdyq qory oblystyq «Jomart júrek» syılyǵynyń «Jyldyń úzdik uıymy» atalymyn, Qarmaqshy aýdanyndaǵy 40 otbasyna kómek kórsetken, aýdandyq aýrýhanadaǵy naýqastarǵa dári-dármekter alýǵa demeýshilik jasaǵan Orynbasar Tólepov «Jyl mesenaty» atalymyn ıelendi. Qazaly aýdanyndaǵy kásipkerlerimen birlesip 55 otbasyny azyq-túlikpen qamtamasyz etken, aýdandyq aýrýhanaǵa tósek jabdyǵy men qorǵanysh kıimderin tabystaǵan jas volonter Marhabbat Asanovaǵa «Jyl tulǵasy», Qyzylorda qalasyndaǵy Táýelsizdik dańǵylynyń boıyn kórkeıtýge, pandemııa kezinde ókpege jasandy tynys beretin apparat pen ottegi konsentratorlaryn alýǵa mıllıondaǵan qarajat bólgen mesenat Roza Imanovaǵa «Týǵan ólke» kásipkerlerden jınaqtalǵan 3 000-nan asa betperdeni taratyp, jeke kóligimen qala aýmaǵyndaǵy aýrýhana qyzmetkerlerine tamaq, naýqastarǵa ottegi ballondaryn jetkizgen Dınara Eshatovaǵa «Eren eriktilik» atalymy tapsyryldy.
«Qamqorlyq» daǵdarys ortalyǵy, «Umaı» qaıyrymdylyq úıi, «Shapaǵat» qoǵamdyq qory da ortaq iske úlken úles qosqan, kóptiń alǵysyna laıyq uıymdar.
Qyzylorda