Germanııada 20 jeltoqsanǵa deıin meıramhanalar men basqa da qoǵamdyq tamaqtaný oryndary, sondaı-aq oıyn-saýyq jáne mádenı ortalyqtar jabyq bolady, - dep habarlaıdy Egemen.kz
Tıisti kelisimge Germanııa kansleri Angela Merkel men federaldy memleket basshylarynyń keńesinde qol jetkizildi.Sonymen qatar, federaldy jáne memlekettik organdar syrqattaný kórsetkishiniń joǵary deńgeıi bar aımaqtar úshin shekteý sharalaryn qataıtýǵa nıetti (sońǵy jeti kúnde 100 myń turǵynǵa shaqqanda 200-den astam jaǵdaı).Jańa shekteýler mektepter men saýda salasyna qatysty bolmaq. Rojdestvo merekesi aldynda dúkender men saýda ortalyqtarynda adamdardyń kóp jınalýyna jol bermeý úshin tıisti sharalardy qabyldaý josparlanýda.Atap aıtqanda, aýdany 800 sharshy metrge deıingi saýda oryndarynda 10 sharshy metrine bir adamnyń, iri dúkenderde 20 sharshy metrine bir adamnan artyq kirýine ruqsat etilmeıdi.