Qurlyqtyq hokkeı lıgasynda (QHL) baq synaıtyn elordanyń «Barys» klýby turaqty birinshiliktiń kezekti týr oıynyn Sankt-Peterbýrgte ótkizgen edi.
Bul kezdesýde elordalyq komanda SKA-dan 4:3 esebimen jeńilip qalsa da, jigerli oıyn kórsetti. Birinshi kezeńde Ivan Morozov pen Evgenıı Ketovtyń soqqan shaıbalarynyń arqasynda SKA 2:0 esebimen alǵa shyqty. Alaıda jerlesterimiz aıdyn ıeleriniń golyna jyldam jaýap berip, kezeń aıaqtalǵansha esepti teńestirip úlgerdi. «Barys» sapynan Vıktor Svedberg pen Iаkob Lılıa mergendigimen kózge tústi.
Ekinshi kezeńde Kırıll Marchenko gol soǵyp, SKA klýbyn esepte alǵa shyǵarǵan-dy. Biraq jergilikti jankúıerlerdiń qýanyshy uzaqqa sozylmady. «Barys» bul goldyń da qarymtasyn jyldam qaıtardy. Shaıba avtory – Lınýs Vıdell. О́kinishke qaraı, teń dárejede ótip jatqan kezdesýdiń sońyna taman SKA oıynshysy Vladımır Tkachıov «Barys» qaqpashysyn qapy qaldyryp, komandasynyń jeńis golyn soqty. Osylaısha «Barys» qatarynan besinshi oıynda jeńiliske ushyrady.