Tuńǵysh Prezıdent kúni aıasynda Yessenov University-de 6 jańa sporttyq ashyq alańdarynyń saltanatty ashylý rásimi ótti. Atalǵan sharaǵa Aqtaý qalasynyń ákimi Nurdáýlet Qılybaı men Olımpıada oıyndarynyń eki dúrkin kúmis júldegeri, atalǵan ýnıversıtettiń túlegi, mańǵystaýlyq boksshy Ádilbek Nııazymbetov qatysyp, alańnyń lentasyn qıdy. Qala ákimi fýtbol dobyna avtograf jazyp, bilim ordasyna estelikke qaldyrdy, dep habarlaıdy Egemen.kz.
Alańnyn jalpy aýmaǵy 4880 sharshy metrdi quraıdy jáne alańda 2 fýtbol alańy, 2 tennıs korty, 1 basketbol, 1 volleıbol alańy jasaqtalǵan. Ashyq alań 6 aı ýaqyt ishinde salynǵan bolatyn.
-Búgin tuńǵysh Prezıdent kúnine oraı ýnıversıtetimizde jańa alańdar ashylyp jatyr. Elbasymyzdyń deni saý, básekege qabiletti ult qalyptastyrýdaǵy oı-pikirlerin jaqsy bilesizder. Al ýnıversıtetimizde sport mamandyǵy boıynsha myńǵa jýyq stýdent bilim alady. Sol sebepti Elbasy aldymyzǵa qoıǵan tapsyrmalardy oryndaýmen birge, stýdentterimizdiń tájirıbesin arttyrý úshin múmkindik jasap otyrmyz, deıdi ýnıversıtet rektory Berik Baqytjanuly Ahmetov.