Jambyl oblysynyń Tótenshe jaǵdaılar departamenti 51 adamdy qar qursaýynan qutqarǵanyn habarlaıdy, dep jazady Egemen.kz
28 qarashada saǵat 13:25 mınýtta Jambyl oblysy Jýaly aýdany, Respýblıkalyq mańyzy bar "Almaty-Termez-Tashkent" avtojolynda (576-593 shaqyrymynda) TJD-nyń 5 qyzmetkeri men 2 dana tehnıkasy qar qursaýynda qalǵan 21 avtokólikti shyǵardy. Ondaǵy 51 adam qutqaryldy. Onyń ishinde 12 bala bar. Úsh adam, onyń ishinde eki bala basqa orynǵa kóshirildi. Bul týraly departamenttiń Instagram-daǵy paraqshasynda habarlandy.
Avtojoldardyń tazartylǵan ýchaskelerine 21 jeńil avtokólik súırep shyǵaryldy.
Vedomstvo ókilderi júrgizýshilerge abaı bolýyn aıtyp, burqasyn, tuman, kóktaıǵaq týraly SMS habarlama alǵan jaǵdaıda múmkindiginshe jolǵa shyqpaýǵa keńes berdi.