Búgin, Nur-Sultan ýaqytymen saǵat 15.00-de Qazaqstan Prezıdenti Qasym-Jomart Toqaev Reseı Federasııasynyń tóraǵalyǵymen vıdeokonferensııa formatynda ótetin Ujymdyq qaýipsizdik týraly shart uıymy Ujymdyq qaýipsizdik keńesiniń sessııasyna qatysady. Bul týraly Prezıdenttiń baspasóz hatshysy Berik Ýálı Facebook paraqshasynda jazdy dep habarlaıdy Egemen.kz.
“Sammıt barysynda UQShU-ǵa múshe memleketterdiń basshylary halyqaralyq jáne óńirlik qaýipsizdik máseleleri jóninde pikir almasyp, Uıymnyń bıylǵy jumysyndaǵy basym baǵyttardyń júzege asyrylýyn qorytyndylaıdy jáne aldaǵy kezeńge arnalǵan josparyn aıqyndaıdy. Memleket basshysy Ujymdyq qaýipsizdik týraly shart uıymyndaǵy áriptesterine Uıymnyń jumysy jónindegi ózekti máseleler boıynsha elimizdiń ustanymyn jetkizip, ony ári qaraı damytý úshin birqatar usynys aıtady dep josparlanýda” delingen habarlamada.
Jıyn qorytyndysy boıynsha UQShU-nyń tıimdiligin odan ári arttyrýǵa baǵyttalǵan birqatar qujat qabyldanady dep kútilýde.