Qaraǵandy oblysynda polısııa jedel-izdestirý is-sharalary barysynda asa aýyr qylmys jasady degen kúdikpen 43 jastaǵy er adam ustady, dep jazady Egemen.kz.
Ustalǵan azamat bopsalaý qylmysy boıynsha 5 jyl boıy halyqaralyq izdeýde bolǵan.
Polısııa Qaraǵandy qalasynyń aýmaǵynda, jekemenshik turǵyn úılerdiń birinde arnaıy operasııa júrgizgen. Tintý barysynda polısııa qyzmetkerleri arnaıy jabdyqtalǵan jasyryn oryndy taýyp, izdeýdegi kúdiktiniń sol jerde jasyrynyp júrgenin anyqtaǵan.
Alty jyl jasyrynǵan esirtki satýshy kórshi elden ustaldy
«Aldyn ala derekterge sáıkes, er adam qala turǵynyn qorqytyp, kúsh qoldanyp, 117 mıllıon teńge bopsalaý isine qatysqan. Kúdikti uzaq ýaqyt boıy quqyq qorǵaý organdarynan boı tasalap, jasyrynyp júrgen», dedi Qaraǵandy oblysy polısııa departamenti bastyǵynyń birinshi orynbasary Qýanysh Orynbetov.
Shymkentte 11 jyl boıy jasyrynǵan sheteldik ustaldy
Qazir ustalǵan azamat ýaqytsha ustaý ızolıatoryna qamaýǵa alynyp, sotqa deıingi tergeý amaldary júrgizilip jatyr.