«Eko taksı» jobasynyń tusaýy kesildi

Keshe Elbasy Nursultan Nazarbaev «Qazaq eli» monýmenti alańynda «Eko taksı» qalalyq taksı parki ınvestısııalyq jobasynyń negizgi qyrlarymen tanysty.

Keshe Elbasy Nursultan Nazarbaev «Qazaq eli» monýmenti alańynda «Eko taksı» qalalyq taksı parki ınvestısııalyq jobasynyń negizgi qyrlarymen tanysty.

Atalǵan joba memlekettik-jekemenshik áriptestik qaǵı­da­symen júzege asyrylýda. Onyń maqsaty Astana qalasynda ekologııalyq otynmen júretin iri avtokólik taksoparkin qurý jáne qalada taksomotorly ta­symaldar men jolaýshylar qaýipsizdigin qamtamasyz etý salasynda halyqqa qyzmet kórsetýdiń órkenıetti túrin engizý bolyp tabylady. Astana qalasy ákimdiginiń kómegimen «AllurGroup» kompanııasy júzege asyryp otyrǵan jobanyń birinshi kezeńi memleket-jekemenshik seriktestik negizinde 100 avtokólikti paıdalanýǵa berýden bastalady, olardyń sanyn 2017 jylǵa qaraı 500-ge deıin ulǵaıtý josparlanýda. Alǵashqy kezeńde bul jobaǵa tartylatyn ınvestısııa 450 mıllıon teńgeni quramaq.

Memleket basshysy «Eko taksı» jobasyn iske asyrý EKSPO-2017 halyqaralyq kór­mesin ótkizýge qala ınf­ra­qurylymyn daıarlaý jónindegi alǵashqy qadamdardyń biri bolyp sanalatynyn atap kórsetti. Jobamen tanysý barysynda Memleket basshysy ózine usynylǵan avtomobıldiń birimen júrip ótip, «Eko taksı» taksı parkiniń alǵashqy jolaýshysy boldy.

«Astana Eko taksıiniń» bú­kil avtokólik parki propan-­býtan (SNG) qospasy ne­gizindegi suıytylǵan gazben ju­mys isteıtin bolady. Bul qala­da­ǵy ekologııalyq ahýaldy jaq­sar­typ qana qoımaıdy, sonymen birge, janar maıdyń tómen ba­ǵasy esebinen taksopark qyz­me­tiniń qunyn arzandatýǵa da múmkindik beredi. Qazirgi ýa­qytta qalamyzda 18 gaz quıý stan­sasy jumys isteıdi. «As­tana Eko taksı» jobasy EKSPO-2017 halyqaralyq ma­mandandyrylǵan kórme­sin ótkizýge qalanyń ınfraqu­ry­ lymyn daıyndaý boıynsha qala ákimdiginiń júzege asyrýǵa tıis úsh baǵdarlamasynyń birinshi is-sharasy bolyp tabylady.

Jylqybaı JAǴYPARULY,

«Egemen Qazaqstan».