Mysyr konstıtýsııalyq komıssııasy eldiń negizgi zańyn jetildirip shyǵardy. Bul týraly ITAR-TASS habarlady.
Jeksenbi kúni Mysyr konstıtýsııalyq keńesiniń basshysy Amr Mýsa málimdegendeı, 3 jeltoqsanda konstıtýsııa jobasy eldiń ýaqytsha prezıdenti Adlı Mansýrǵa qol qoıýǵa beriledi. Memleket basshysynda negizgi zańnyń jetildirilgen nusqasyn referendýmǵa shyǵarýǵa bir aı ýaqyt bar.
Negizgi zańda konstıtýsııanyń qabyldanýynan keıin alty aı ishinde saılaý ótý kerektigi jazylǵan. Sondaı-aq komıssııa parlament saılaýynan buryn prezıdenttik saılaýdy ótkizý jóninde túzetý engizdi.
Mysyr áskeriniń qabyldaǵan «jol kartasy» boıynsha, elde aldymen jańa konstıtýsııa jobasy týraly referendým ótkizilip, kelesi jyldyń kókteminde parlamenttik al jazynda prezıdenttik saılaý ótýi tıis edi.
Daýys berý barysynda, saılaýdy «jol kartasy» tártibimen ótkizýdi komıssııanyń 28 ókili qoldaǵan. Qalǵandary aldymen prezıdenttik, sodan keıin baryp parlamenttik saılaý ótkizýdi qoldap otyr.
Aıdar О́risbaev.
Derekkóz: Itar-tass.com