Taıland astanasynda oppozısıonerler narazylyq aksııalaryn qaıta jandandyrdy. Bul týraly TIAR-TASS habarlady.
Bangkokta ereýilshiler úkimet úıin taǵy da shabýyl arqyly basyp almaq bolǵan. Sodaı-aq olar quqyq qorǵaý organdary mekemesiniń aınalasyna jınala bastady. Oppozısıonerler taǵy birqatar úkimettik mekemelerdi basyp alýǵa áreket etetinderin alǵa tartty.
Bangkoktaǵy jergilikti basqarý mekemesi mańynda polısııa ereýilshilerge qarsy kóz jasaýratatyn gaz qoldandy. Kýágerlerdiń aıtýy boıynsha, polısııamen qaqtyǵysqa túsken oppozısıonerler keıin shegingen.
Oppozısıonerler Taıland qarjy mınıstrligi ǵımaratyn basyp alǵan. Bılik bul ǵımaratty óz baqylaýlaryna qaıtarý úshin arnaı operasııa júrgizetinderin eskertken bolatyn. Alaıda, oppozısııa ókilderi mekemeni bosatýdan bas tartýda. Tipti munda qazir ereýilshiler shtaby ornalasqan eken.
Jeksenbi kúni Taıland úkimeti qaýipsizdik maqsatynda Bangkok turǵyndaryn birneshe saǵat úılerinen shyqpaýǵa shaqyrdy. Ol kúni qalada kúshtik qurylymdar arnaıy operasııa júrgizýi tıis edi. 1 jeltoqsan kúni Taıland premer-mınıstri Iınglak Chınavat oppozısııa jetekshisi Sýtep Taýgsýbanmen kezdesti. Oppozısıonerdiń aıtýy boıynsha, ol premerden eki kún ishinde bılikti halyqtyń qolyna ótkizýdi talap etken. Alaıda, ol Iınglak Chınavattan qandaı da bir jaýap ala almaǵan kórinedi.
Aıdar О́risbaev.
Derekkóz: Itar-tass.com