Qyrǵyzstan premer-mınıstri Jantoro Satybaldıev dúısenbi kúni Osh oblysynda oryn alǵan tártipsizdikterge baılanysty kúshtik qurylymdardyń jetekshilerimen jınalys ótkizdi. Bul týraly Qyrǵyzstan úkimeti baspasóz qyzmetiniń aqparyna silteme jasaǵan ITAR-TASS habarlady.
Baspasóz qyzmetiniń málimdeýinshe, úkimet basshysy kúshtik qurylymdarǵa eldegi qoǵamdyq-saıası ahýaldy buzýshylarǵa qarsy qatań sharalar qabyldap, ákimshilik ǵımarattary men basqa da mekemelerdi basyp alý nemese qıratý áreketteriniń aldyn alýǵa tapsyrma berdi.
2 jeltoqsanda tutqyndalǵan Qyrǵyzstannyń eks-spıkeri Ahmatbek Keldıbekovtyń jaqtastary mıtıng uıymdastyryp, Osh oblystyq ákimshiligin shabýylmen basyp alýǵa tyrysqan. Alaıda, mılısııa qyzmetkerleri oǵan jol bermedi. Sol kezde tártip saqshylarynyń toǵyzy túrli jaraqat alǵan kórinedi. Al 26 qarashada Ahmatbek Keldıbekovtiń jerlesteri men jaqtastary Qyrǵyzstan men Qytaıdy jalǵap turǵan Osh-Irkeshtam avtojolyn jaýyp tastap, nátıjesinde onda kóptegen júk kólikteri jınalyp qalǵan edi.
Ahmatbek Keldıbekovke «jemqorlyq» pen «qyzmettik jaǵdaıyn asyra paıdalaný» baptary boıynsha aıyptar taǵyldy. Eks-spıkerdiń kinási dáleldengen jaǵdaıda, sot ony 15 jylǵa deıin bas bostandyǵynan aıyrýy múmkin.
Aıdar О́risbaev.
Derekkóz: Itar-tass.com