Shymkent qalasynda qazir 7020 oryndyq 13 mekteptiń qurylysy júrip jatyr. Jyl sońyna deıin 5100 oryndyq 8 mekteptiń qurylysy aıaqtalyp, paıdalanýǵa beriledi. Bul týraly Shymkent qalasynyń ákimi Murat Áıtenov Nur-Sultanda ótken brıfıng barysynda aıtty, dep habarlaıdy Egemen.kz.
Aldaǵy 5 jylda 63 882 oryndyq 85 mekteptiń qurylysyn júrgizý boıynsha arnaıy jospar ázirlengen. Osynyń esebinen aýysymdy jáne apatty jaǵdaıdaǵy mektepter máselesi tolyǵymen sheshiledi.
Murat Dúısenbekuly óz baıandamasynda qashyqtyqtan oqýdy uıymdastyrý maqsatynda osy jyly 47 330 kompıýter alynǵanyn, nátıjesinde jyl basynda 28 oqýshyǵa bir kompıýter kelse, qazir 4 oqýshyǵa bir kompıýter keletinin atap ótti.
Sonymen qatar Memleket basshysynyń tapsyrmasy boıynsha osy jyly muǵalimder men tárbıshilerdiń eńbekaqysy 25 paıyzǵa kóterilgenin jáne kelesi jyly taǵy 25 paıyzǵa kóbeıetinin aıtty.