Búgin, Batys Qazaqstan oblystyq sotynyń sýdıasy Temirjan Nuǵmanov jol apatynan qaza boldy. Bul týraly «Moı gorod» habarlady.
«Birneshe saǵat buryn Aqtóbe oblysy Qobda kentiniń aýmaǵynda jol apaty oryn alyp, Batys Qazaqstan oblystyq sotynyń sýdıasy Temirjan Nuǵmanov qaza tapty», – delingen jergilikti baspasóz quraly taratqan habarlamada.
Sýdıanyń kóligin óz uly basqarǵan eken. Jol-kólik oqıǵasy oryn alǵannan keıin olardy aýrýhanaǵa jetkizgen. Alaıda, sýdıa esin jımaǵan kúıi qaıtys boldy. Uly bolsa osynda em alyp jatyr.
Qazir oqıǵanyń sebep-saldary tekserilý ústinde. Osy oraıda, Temirjan Nuǵmanovtyń kezinde Batys Qazaqstan oblystyq sotynyń apellıasııalyq alqasyn basqarǵanyn atap ótkimiz keledi.
Baqytbek Keneshuly.
Derekkóz: «Moı gorod»