Jańa keme jaýyngerlik týyn kóterdi

Qazaqstan Respýblıkasynyń Tuńǵysh Prezıdenti kúni qarsańynda Aqtaý teńiz portynda saltanatty, ári mańyzdy shara ótti.

Bul «Oral» atty zymyrandy-artıllerııalyq kemeniń jaýyngerlik tý kóterýi edi.

Qazaqstan Respýblıkasynyń Tuńǵysh Prezıdenti kúni qarsańynda Aqtaý teńiz portynda saltanatty, ári mańyzdy shara ótti.

Bul «Oral» atty zymyrandy-artıllerııalyq kemeniń jaýyngerlik tý kóterýi edi.

«Zenıt» keme jasaý zaýytynda quras­tyrylǵan otandyq atalmysh keme jyldyń sáýir aıynda sýǵa túsirilgen bolatyn. Kúni búginge deıin memlekettik synaqtan ótý kezeńin bastan keshken keme ekıpajy óz qýanyshyna mereke qarsańynda qol jetkizdi. Kemege jaýyngerlik tý tapsyrý – onyń synaqtan sátti ótip, Áskerı-teńiz kúshteri quramyna engendiginiń, endi jaýyngerlik tapsyrmalardy oryndaýǵa joly ashylǵandyǵynyń belgisi.

Saltanatty sátke qatysqan Qazaq­stan Qarýly Kúshteri Áskerı-teńiz kúshteriniń bas qol­basshysy kontr-admıral J.Jan­­zaqov, «Zenıt» Oral zaýy­ty» AQ-tyń bas dırektory V.Valıev, Mańǵystaý oblysy ákiminiń or­ynbasary Á.Shó­jeǵulov jáne Áskerı-te­ńiz kúshteriniń ar­­­da­ger­leri sar­­bazdardy merekemen qut­­­tyq­tap, ekıpajǵa sáttilik tiledi.

Kontr-admıral qolynan keme kapıtany qabyldap alǵan tý elimizdiń ekpindi Án­uranymen joǵary kóterildi. Endi árbir tań bilinisimen jelbireı kókke kóterilip, qarań­ǵylyq túse bosatylatyn tý – ekıpaj quramynan qyraǵylyqty, sheberlikti, tas-túıin daıyndyqty talap etetetin qasterli belgi.

Memleket qaýipsizdigin qam­tama­syz etetin jáne áskerı mindetterdi ory­n­daýǵa arnalǵan 240 tonnalyq «Oral» kemesi zymyrandy-artıllerııalyq jabdyq­tar­men, zamanaýı áskerı tehnıkalarmen jabdyqtalǵan, kartagrafııalyq, navı­ga­sııalyq júıe, baılanys quraldary, arba­let qondyrylǵan. Ekıpajdaǵy 30 adam «Zenıt» Oral zaýyty» AQ-tyń bas dırek­tory V.Valıevtiń aıtýynsha, keme quras­tyrylyp jatqanda basy-qasynda bolyp, onyń qyr-syrymen jete tanysqan teńizshiler. Demek, olar teorııalyq, prak­tıkalyq turǵyda kemedegi tehnıkalarmen jumys isteýge úırengen, qajetti bilimderdi meńgergen bilikti dep senim artýǵa negiz bar.

– Bul elimizdiń Áskerı-teńiz kúshteri quramyna kelgen ekinshi zymyrandy-artıllerııalyq keme. «Oraldyń» jabdyqtalýy men qaýqaryna qarap, ol Kaspıı teńiziniń qazaqstandyq sektoryn laıyqty qorǵaıdy dep jáne Áskerı-teńiz kúshterin mundaı qýatty kemelermen tolyqtyrýlar jyl saıyn bolady dep senemiz, deıdi Áskerı-teńiz kúshteriniń bas qolbasshysy, kontr-admıral J.Janzaqov.

Endi keme komandıri Q.Shar­shan­qulov bastaǵan ekıpaj altyn kún men aıbatty qyran, zikir men bes juldyz beınelengen jalaýy jel­bi­regen «Oralmen» kók teńiz ústinde oı­qastamaq. Bul elimizdiń qaýipsizdigi, turǵyndardyń beıbit tirligin kúzetý maqsatyndaǵy saparlar bolmaq.

Gúlaıym ShYNTEMIRQYZY,

«Egemen Qazaqstan».

Mańǵystaý oblysy.