Ár adam úshin kindik qany tamǵan meken – Otan. Al keı adamǵa áýelden jat kóringen meken ýaqyt óte kele hám ǵumyryna gúl bitirgen birshama mezetten soń týǵan otanyndaı bolyp ketedi. Bul – ómirlik zańdylyq.
Ár adam úshin kindik qany tamǵan meken – Otan. Al keı adamǵa áýelden jat kóringen meken ýaqyt óte kele hám ǵumyryna gúl bitirgen birshama mezetten soń týǵan otanyndaı bolyp ketedi. Bul – ómirlik zańdylyq.
Ertisti jar jaǵalaı oryn tepken Besqaraǵaı aýylynyń aýyl bolǵanyna seksen jyldan asyp barady. Zamannyń aýmaly-tókpeli ózgeristerin de, alaýlaǵan-jalaýlaǵan qýanyshtaryn da, qınaǵan-yńyranǵan kesapattaryn da basynan ótkerdi bul eldi meken. Degenmen de, uıyǵan aırandaı aýyl tuǵyrdan túspeı keledi, túspeıdi de.
Túpkilikti turǵyndar qazaqtarmen qatar, ózge ult ókilderine de Besqaraǵaı baýraıy baýyrmal jyly qushaǵyn aıqara ashty. Sharapat pen shapaǵatyn birdeı berdi. Sonaý surapyl soǵys jyldary, tipti, odan sál burynyraqtaý saıası qýǵyn-súrgin jyldary osynaý mekenge nemis, cheshen ultynyń ókilderi kúshtep kóshirilse, HH ǵasyrdyń 50-jyldarynyń enshisinde qalǵan tyń ıgerý jyldary orys, ýkraın, t.b. ult ókilderi Besqaraǵaıǵa qut izdep qonystandy.
Aýyldyń osy kúngi egde turǵyndaryn tyńdap otyrsań, shejirege bergisiz qyzyqty áńgimege qanyq bolasyń. О́zge ult ókilderi ózderimen birge óz ultynyń salt-dástúrin, ádet-ǵurpyn, dildik áleýmetin ala kelip, qalypty qazaqylyqqa jańasha ár berdi. Úı-tam soǵýdyń ózindik úlgilerin kirgizdi. Orys, ýkraın, cheshen, nemis tilderi, olardyń kórkem óneri qazaq arasyna tarap, halyq birliginiń biregeı úlgisine aınaldy. Ulttardyń etene aralasyp ketkeni sonshalyq, bara-bara aralas otbasylar da shańyraq kóterdi. Olardan úrim-butaq tarady.
Al Besqaraǵaı aýylynyń qaıtalanbas tarıhyna óz eńbegimen qosqan ózge ult ókilderiniń qomaqty úlesin qazirginiń egde shyraqtary esh umytpaıdy. Zerdelesek, el-elimizdiń, jer-jerimizdiń ózge súısinerlikteı, ózgege úlgi bolarlyqtaı jasampazdyǵy ult-ulystar yntymaq-birlikti baýyrmaldyǵynda eken-aý.
Begimbek KERIMHANULY.
Pavlodar oblysy,
Lebıaji aýdany,
Besqaraǵaı aýyly.