Polısııa qyzmetkerleri, eriktiler jáne aýdan ákimdikteriniń ókilderi saýda ortalyqtarynda, meıramhanalarda jáne basqa da nysandarda karantın tártibin saqtaý boıynsha reıdterdi jalǵastyryp jatyr, dep habarlaıdy Egemen.kz elorda ákimdigine silteme jasap.
Mamandardyń aıtýynsha, tártip buzýshylar negizinen qoǵamdyq tamaqtaný oryndary - meıramhanalar, demalys oryndary, banket zaldary, sondaı-aq saýda jáne oıyn-saýyq nysandary. Buzýshylyqtar – buqaralyq is-sharalar ótkizý, jumys ýaqyty men maska taǵý tártibin saqtamaý, kelýshilerdiń tym kóp bolýy.
6 jeltoqsandaǵy jaǵdaı boıynsha sanıtarlyq-epıdemıologııalyq baqylaý komıtetiniń aýdandyq basqarmalaryna karantındi buzýshylarǵa qatysty 2213 materıal kelip tústi. 1151 jeke jáne zańdy tulǵa jalpy somasy 226 363 114 teńgeni quraıtyn ákimshilik jaýapkershilikke tartyldy.