Almatyǵa arnaıy jumys saparymen kelgen Úkimet basshysy Serik Ahmetov keshe qalanyń birqatar áleýmettik nysandarynda boldy. Aldymen túzetý úlgisindegi sóıleý múmkindigi shekteýli balalarǵa arnalǵan №182 bóbekjaı-balabaqshasyna keldi. Osydan keıin Úkimet basshysy Almaty metrosyna otyryp, birqatar stansalardy aralap, tozyǵy jetken baspanalardyń ornyna salynyp jatqan jańa turǵyn úı keshenin kórdi.
Almatyǵa arnaıy jumys saparymen kelgen Úkimet basshysy Serik Ahmetov keshe qalanyń birqatar áleýmettik nysandarynda boldy. Aldymen túzetý úlgisindegi sóıleý múmkindigi shekteýli balalarǵa arnalǵan №182 bóbekjaı-balabaqshasyna keldi. Osydan keıin Úkimet basshysy Almaty metrosyna otyryp, birqatar stansalardy aralap, tozyǵy jetken baspanalardyń ornyna salynyp jatqan jańa turǵyn úı keshenin kórdi.
Úkimet basshysy arnaıy kelip kórgen qaladaǵy №182 balabaqshasy qurylysynyń aıaqtalýyn kútip júrgen ata-analar ońtústik shaharda bar edi. Jańa balabaqshaǵa baratyn búldirshinderdiń tilin túsiný qıyn, áıtse de olardy ómirge beıimdep, sózin túzeý úshin kishkentaı kúninen bastap arnaıy mamandardyń kómegi qajet. Ishi-syrty kelisken zamanaýı balabaqshada mundaı búldirshinderge kerekti jaǵdaıdyń barlyǵy da jasalǵan. Endi kezekte turǵan ata-analar arnaýly mekemege perzentterin bóbek kezinen apara alady.
О́tken jyly ǵana qurylysy bastalǵan mektepke deıingi mekeme osy qarashada tolyq salynyp, jabdyqtalǵan. Bir mezette 120 balany qabyldap, jasyna qaraı alty topqa bólip, tárbıeleı alady.
Atalmysh balabaqshadan bólek keshe Almatyda 120 oryndyq taǵy úsh balabaqsha ashyldy. Jalpy sońǵy bes jylda Almatyda 29 balabaqsha salynyp, halyqtyń ıgiligine berildi.
Osydan keıin Úkimet basshysy Almaty metropolıteniniń «Abaı» stansasyna keldi. Premer-Mınıstrdi, qala ákimin tanyǵan shahar turǵyndary ózderimen jolaýshylap kele jatqan Úkimet basshysyna iltıpattaryn bildirdi.
– Bıyl Almatyda qoǵamdyq kólikterdi damytýǵa kóp kóńil bólinip otyr. Qoǵamdyq kólikterdi damytý qalanyń mańyzdy mindetiniń biri bolyp tabylady. Munan da bólek, biz joldardyń ınfraqurylymyna úlken nazar aýdaryp otyrmyz. Almatyda jańa jolaıryqtar men joldar salynýda. Oǵan qosa qalanyń aýasyn lastamaıtyn qoǵamdyq kólikterdiń parki ulǵaıyp keledi, – dedi qala ákimi.
Bul kúnde ońtústik astanada ekologııa men transport qozǵalysy eń kókeıkesti másele bolǵandyqtan, qalalyq ákimdik 195 jańa trolleıbýs pen 17 tramvaı satyp alǵan. Metro tarmaqtaryn uzartý úshin qurylys qarqyndy júrip jatyr. Qala qozǵalysyna jeńil relsti kólikterdi kiriktirý jobasy kózdelgen. Sondaı-aq, tabıǵı gazben jumys isteıtin 400 jańa avtobýs pen 200-deı eko taksı qalada tútinniń azaıýyna septesedi dep kútilýde. Oǵan qosa aldaǵy jyldyń alǵashqy úsh aıynda gazben júretin 300 avtobýs qoǵamdyq kólikterdiń sanyn kóbeıtip, ekologııalyq transporttardy jyl sońyna deıin 60 paıyzǵa ulǵaıtylatyn bolady.
Úkimet jetekshisi aıaldaıtyn úshinshi nysan – eskirgen úılerdiń ornynda boı kótergen jańa turǵyn úı keshenderi bolatyn. Medeý aýdanyndaǵy Maqataev kóshesiniń bastaýyna turǵyzylǵan bul úıge baspanalary buzylǵan úılerdiń turǵyndary qonystanatyn bolady.
Qazirgi ýaqytta Almatyda 55 eski úı nemese 563 páter buzylady dep josparlanǵan bolsa, olardyń turǵyndary jalpy kólemi 27,6 myń sharshy metr bolatyn jańa páterlerge kóshirilmek. Ústimizdegi jyldyń maýsym aıynda Túrkisib aýdanyndaǵy Seıfýllın dańǵyly, Moldaǵalıev, Saýranbaev, Chernyshevskıı kósheleri sharshysynda 20 turǵyn úıdiń alǵashqy beseýiniń qurylysy aıaqtalyp, jalpy kólemi 6,4 myń sharshy metr bolatyn 100 páter jańa ıelerin tapqan edi.
Úkimet basshysy arnaıy atbasyn tiregen Medeý aýdanyndaǵy 72 páterlik turǵyn úı de – ıelerin kútip turǵan ıgilikti istiń biri.
Úkimet basshysy bıyl jyl basynda qurylys qolǵa alynyp, mejelengen merzimde aıaqtalǵan jańa úıdi kórip, qurylys materıaldarynyń sapasyn, turǵyndarǵa jaıly bolýyn qarap shyqty.
Qala ákimi Ahmetjan Esimov Premer-Mınıstrge Almatydaǵy kónergen úılerdi buzyp, olardyń ıelerin jaıly páterlerge kóshirý úderisiniń jaı-japsaryn tolyǵymen málimdedi. Al eskiniń ornyna jańa úıge qol jetkizgen turǵyndar Elbasyna, Úkimet basshysyna alǵystaryn jetkizýdi amanattap, batalaryn berip jatty.
Aınash ESALI,
«Egemen Qazaqstan».
ALMATY.