Keshe Ortalyq kommýnıkasııalar qyzmetiniń ókili Altaı Ábıbýllaev jýrnalısterge osy aptada bolatyn resmı sharalar týraly baıandaǵan brıfıng ótkizdi.
Keshe Ortalyq kommýnıkasııalar qyzmetiniń ókili Altaı Ábıbýllaev jýrnalısterge osy aptada bolatyn resmı sharalar týraly baıandaǵan brıfıng ótkizdi.
Aldymen ol 5 jeltoqsanda Premer-Mınıstr Serik Ahmetov jáne basqa da Úkimet músheleri Sport jáne dene-shynyqtyrý isteri agenttiginiń tóraǵasy Tastanbek Esentaevtyń Qazaqstan qurama komandasynyń Sochıde bolatyn HHII Qysqy Olımpııa oıyndaryna barýǵa daıyndyǵy týraly baıandamasyn tyńdaıtynyn aıtty. Bizdiń memleket sporttyń qysqy túrlerine de basymdyq beredi, oǵan Astana men Almatyda VII Qysqy Azııa oıyndarynyń tabyspen ótkizilgeni kýá, dedi ókil.
A.Ábıbýllaevtyń aıtýyna qaraǵanda, 4 jeltoqsanda Básekelestiktiń eýrazııalyq baǵdarlamasy boıynsha alǵashqy dóńgelek ústel ótedi. Munda Qazaqstannyń álemdegi básekege barynsha qabiletti 30 eldiń qataryna ený máselesi sóz bolmaq.
Memlekettik qyzmet isteri jónindegi agenttiktiń tóraǵasy Álıhan Baımenov 5 jeltoqsanda jumys saparymen Parıj qalasyna baryp, fransýzdyq áriptesterimen yntymaqtastyqty tereńdetý máseleleri boıynsha kelissózder júrgizedi. Odan ári Á.Baımenov Túrkııaǵa sapar shegip, óziniń ondaǵy áriptesterimen de yntymaqtastyq máseleleri boıynsha kelissózder júrgizedi eken.
Osy aptadaǵy ınvestısııalyq jobalar jónindegi eń úlken jıyn Almatyda ótedi. Onda 3-4 jeltoqsanda I Halyqaralyq Almaty ınvestısııalyq forýmy bolyp, ońtústik astananyń ınvestısııalyq múmkindikteri men jobalardy qarjylandyrýdyń jańa tetikteri, kólik-logıstıkalyq ınfraqurylymdardy damytý, týrızm men ulttyq ınnovasııalyq júıeni odan ári jandandyrý jáne t.b. máseleler talqylanady. Forým jumysyna Úkimet ókilderi, halyqaralyq qarjylyq ınstıtýttar basshylary, kórnekti ekonomıst ǵalymdar jáne salalyq uıymdar jetekshileri qatysatyn bolady, dedi A.Ábıbýllaev.
Sonymen birge, brıfıngte Syrtqy ister mınıstri Erlan Ydyrysovtyń 5-6 jeltoqsanda EQYU-ǵa múshe elder Syrtqy ister mınıstrleriniń 20-shy mereıtoılyq otyrysyna qatysý úshin Kıevke baratyny aıtyldy. 2015 jyldyń 1 qańtarynda Ýkraınanyń atalmysh uıymdaǵy tóraǵalyǵy aıaqtalady. Otyrys barysynda osy eldiń halyqaralyq uıymǵa tóraǵalyq etýiniń nátıjesi shyǵarylatyny da belgili. Otyrys jumysynyń barysynda Erlan Ydyrysovtyń EQYU Bas hatshysy Lamberto Zaner, Ulttyq azshylyqtar jónindegi Joǵarǵy komıssar Astrıd Tors jáne keıbir múshe elderdiń syrtqy ister mınıstrlerimen kezdesýleri josparlanypty. Sondaı-aq, Kıevte UQShU-ǵa múshe elder syrtqy ister mınıstrleri beıresmı jaǵdaıda kezdesedi dep kútilip otyr eken.
Elbasy N.Nazarbaevtyń «Bolashaq» baǵdarlamasynyń 20 jyldyǵyna arnalǵan forýmda aıtqan sózderi memlekettiń jastar isi men bilim berý salasyndaǵy negizgi saıası baǵdary ekeni anyq. Jastar uıymdary jumysyn úılestirý jónindegi keńestiń 6 jeltoqsanda bolatyn otyrysynda osy máseleler talqylanyp, jańa josparlar belgilenbek kórinedi.
Jaqsybaı SAMRAT,
«Egemen Qazaqstan».