Áıelder arasyndaǵy elimizdiń birinshi raketkasy Elena Rybakına 2020 jyldyń qorytyndysy boıynsha eıs jasaǵan tennısshiler tiziminde birinshi oryndy ıelendi, dep habarlaıdy Egemen.kz
Eıs jasaý ekiniń biriniń qolynan kele bermeıtinin jankúıerler jaqsy biledi. Bir qýanyshtysy, búgingi tańda WTA tiziminde 17 orynda turǵan 21 jastaǵy jerlesimizge teń keler eshkim joq. Bıylǵy maýsymda Elena Rybakına 193 eıstyń avtory atanyp otyr. Odan keıingi satylarǵa amerıkalyq Serena Ýılıams (178), belarýssııalyq Arına Sobolenko (165), ıspanııalyq Garbıne Mýgýrýsa (160), AQSh-tyń taǵy bir ókili Djennıfer Bredı (149), grekııalyq Marııa Sakkarı (144), belgııalyq Elıza Mertens (144), japonııalyq Naomı Osaka (141), chehııalyq Karolına Plıshkova (137) jáne týnıstik Ons Jaber (126) syndy sulýlar jaıǵasty.
Esterińizge sala keteıik, Elena Rybakına 1999 jyldyń jazynda Máskeýde týyp-ósti. 2018 jyly Qazaqstannyń azamattyǵyn alǵan ol sol kezden beri bizdiń eldiń týy astynda.