Buǵan deıin Almaty ákimi Baqytjan Saǵyntaev qalada 35 jańa jedel járdem kóligi satyp alynǵanyn habarlaǵan edi. 16 jeltoqsanǵa deıin qosymsha 50 jańa mashına keledi. Bul týraly О́ńirlik kommýnıkasııalar qyzmeti alańynda ótken onlaın-brıfıng barysynda Almaty qalalyq jedel medısınalyq járdem stansasynyń bas dárigeri Birjan Ospanov aıtyp berdi, dep habarlaıdy Egemen.kz
"Aldyńǵy qatarly álemdik brendterdiń zamanaýı, portatıvti quraldarymen jabdyqtalǵan 35 jańa avtokólik alyndy. Aǵymdaǵy jyldyń sońyna deıin taǵy 100 jańa avtokólik kelip túsedi degen jospar bar. Jedel medısınalyq járdem qyzmeti koronavırýstyq ınfeksııanyń jazǵy tolqyny kezeńindegi jumys tájirıbesin eskere otyryp, materıaldyq-tehnıkalyq bazany jaqsartty", dedi B.Ospanov.
Sondaı-aq, ol jedel járdem kólikterin dezınfeksııalyq óńdeýge erekshe nazar aýdarylatynyn aıtty. Mashınalardy dezınfeksııalaý I jáne II eshelondardyń barlyq klınıkalarynda sýyq bý generatory ádisimen júrgiziledi.
"Pasıentti jetkizgennen keıin stasıonarlarda zamanaýı tehnologııalardy paıdalana otyryp, sanıtarııalyq avtokólikti baılanyssyz "sýyq bý" generatory arqyly dezınfeksııalaý júrgiziledi. Bolý ýaqyty 10 mınýtty quraıdy, bul – kóliktiń medısınalyq uıymdarda bolýyn 3 esege qysqartady", dep atap ótti B.Ospanov.
COVID-19 jańa tolqynyna daıyndyq aıasynda dıspetcherlik qyzmet te kúsheıtildi. Jedel medısınalyq járdem qyzmetiniń aldyńǵy shebinde 365 dáriger, 1 388 feldsher jumys isteıdi.
Budan basqa, jedel medısınalyq kómek qyzmetiniń jumysyn jańǵyrtý boıynsha kelesideı sharalar qabyldandy:
Brıgadalar sanyn 220-ǵa deıin arttyrý;
Qosymsha 40 brıgadaǵa esepteý;
ÁMSQ qarajaty esebinen rezervtik qatardaǵy 20 mashına;
Ákimdik qarajaty esebinen jeke kompanııalardyń 20 avtokóligin tartý;
Asqyný kezeńinde kadrlar sanyn 120 feldsherge deıin ulǵaıtý;
Kadrlardy tartý;
AMK jáne RMK túlekterinen daıyndalǵan 60 erikti feldsher;
Jeke medısınalyq ortalyqtardyń 60 feldsheri;
Asqyný kezeńinde aqparattyq-jedel dıspetcherlik bólimdi keńeıtý jáne 103 nómiri boıynsha qabyldaıtyn feldsherler sanyn 60-qa deıin kóbeıtý;
Shuǵyl túrde 3000-505 Call-center ashyldy.
Búginde jedel medısınalyq kómek qyzmetiniń qurylymynda barlyǵy – 12 qosalqy stansa, 180 brıgada, 3219 qyzmetker bar.