Búgin Aqparat jáne qoǵamdyq damý mınıstrliginiń Din isteri komıteti jergilikti atqarýshy organdary taldaý bólimderiniń jáne din salasyndaǵy mekemelerdiń mamandary úshin «Dinı ahýaldyń monıtorıngi: ádisnamasy, tehnologııasy jáne ótkizý erekshelikteri» taqyrybynda semınar-trenıng ótkizdi, dep habarlaıdy Egemen.kz.
Onlaın-semınarǵa 160-tan astam adam qatysty, onyń ishinde Din isteri komıteti tóraǵasynyń orynbasary Anýar Hatıev, Komıtettiń Jıyntyq taldaý jáne josparlaý basqarmasynyń basshysy Asylbek Baıajuma, «Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵy» KEAQ, sondaı-aq jergilikti atqarýshy organdar men din salasyndaǵy mekemelerdiń taldaý bólimderiniń mamandary boldy.
Semınar-trenıngtiń maqsaty - monıtorıng jáne taldaý júrgizý máseleleri boıynsha mamandardyń kásibı bilimderi men biliktiligin arttyrý.
Semınar barysynda óńirlik deńgeıdegi dinı ahýalǵa monıtorıng júrgizýdiń qazirgi jaı-kúıi men ózekti máseleleri, júrgizý tehnıkasy men erekshelikteri, monıtorıng pen taldaý jumystaryn jetildirý joldary qarastyrylyp, talqylandy.