Qazir «eldiń kórki» dep, ánge qosylyp júrgen qyzdardyń bir-birlerimen qyrylysyp, tóbelesip jatqanyna da tań qalmaıtyn boldyq. Sondaı bir oqıǵa taıaýda Ońtústik Qazaqstan oblysyndaǵy mektepterdiń birinde oryn aldy.
Qazir «eldiń kórki» dep, ánge qosylyp júrgen qyzdardyń bir-birlerimen qyrylysyp, tóbelesip jatqanyna da tań qalmaıtyn boldyq. Sondaı bir oqıǵa taıaýda Ońtústik Qazaqstan oblysyndaǵy mektepterdiń birinde oryn aldy.
Oqıǵanyń demde jalpaq jurtqa belgili bolýyna onyń túsirilip alynǵan beıne-jelisiniń ınternet arqyly tarap ketýi áser etti. Ol qazir ǵalamtordaǵy eń kóp qaralatyn «juldyzdy» rolıkke aınalyp otyr.
Oqıǵa Maqtaaral aýdanyndaǵy aýyldyq mektepte bolǵan. Aldaǵy jyly bilim ordasynan «ushyp shyqqaly» otyrǵan 11-synypta oqıtyn eki qurby birin-biri jaǵadan alyp, tóbeleske berilip, aqyrynda jarymjan ete jazdaǵan. Buǵan eki qyzdyń «agentte» sózben qaǵysýlary alyp barǵan. Sabaq ústinde agent arqyly sóılesken olar aldymen bir-birin muqatqan. Sosyn syqpyrtyp balaǵattaýǵa kirisken. Ashýlarynyń aryny budan da asyp ketken kezde bilek sybanyp, maıdanǵa shyqqan. Olardyń kúrketaýyqtaı kúrkirep kelip, tóbelese ketkenderin taǵy bir qyz uıaly telefonǵa túsirip ala qoıypty.
Eki qyz tóbeles barysynda bir-birin ala almaǵan. Sońynda bir-birine jeńil jaraqat salyp baryp toqtaǵan. Keıin taraptardyń tatýlasýyna baılanysty is typ-tynysh jabylǵan eken.
Al muny kórip-estigen bizdiń kóńilimizde alańdaýshylyq qalyp qoıdy.
Murat AITQOJA.