Parlament Senaty Tóraǵasynyń orynbasary Qaırat Ishanov pen Senattyń Ekonomıkalyq damý jáne kásipkerlik komıtetiniń hatshysy Sársenbaı Eńsegenov Atyraý oblysyndaǵy Isataı aýdanynyń Aqqystaý aýylynda boldy.
Depýtattar sapar barysynda Mádenıet úıinde Prezıdenttiń «Qazaqstan-2050» Strategııasyn túsindirý jáne Parlament jumysy týraly habardar etý úshin jergilikti halyqpen júzdesti. Prezıdent Joldaýyn iske asyrý aıasynda Parlament aldynda turǵan mindetter týraly Q.Ishanov aıtyp berdi. Onda Astanadaǵy EKSPO-2017 halyqaralyq mamandandyrylǵan kórmesin uıymdastyrý jáne ótkizý, respýblıkalyq bıýdjet týraly zańdar boıynsha depýtattardyń atqarǵan jumystary týraly egjeı-tegjeıli aqparat usynyldy.
Parlament Senaty Tóraǵasynyń orynbasary Qaırat Ishanov pen Senattyń Ekonomıkalyq damý jáne kásipkerlik komıtetiniń hatshysy Sársenbaı Eńsegenov Atyraý oblysyndaǵy Isataı aýdanynyń Aqqystaý aýylynda boldy.
Depýtattar sapar barysynda Mádenıet úıinde Prezıdenttiń «Qazaqstan-2050» Strategııasyn túsindirý jáne Parlament jumysy týraly habardar etý úshin jergilikti halyqpen júzdesti. Prezıdent Joldaýyn iske asyrý aıasynda Parlament aldynda turǵan mindetter týraly Q.Ishanov aıtyp berdi. Onda Astanadaǵy EKSPO-2017 halyqaralyq mamandandyrylǵan kórmesin uıymdastyrý jáne ótkizý, respýblıkalyq bıýdjet týraly zańdar boıynsha depýtattardyń atqarǵan jumystary týraly egjeı-tegjeıli aqparat usynyldy.
* * *
Parlament Senaty Áleýmettik-mádenı damý komıtetiniń tóraǵasy Aqan Bıjanov «Almatymetroqurylys» AQ qurylysshylarymen kezdesti.
Depýtat «Saıran» jáne «Máskeý» stansalarynyń qurylysymen tanysyp, jumysshylardy Almatynyń kólik máselelerin sheshý jónindegi memlekettik deńgeıde, Parlamentte jáne qala ákimdiginde qabyldanǵan sharalar týraly habardar etti.
Senator alyp shahardaǵy kólik máselelerin sheshýdiń tıimdi joly – metro ekenin atap ótti. «Saıran» jáne «Máskeý» stansalarynyń qurylystary baqylaýda tur. Parlamentte bekitilgen aldaǵy jyldyń bıýdjetinde qalǵan stansalardyń qurylysyna 15 mıllıard teńgeden astam qarjy salynǵan bolatyn. Senator A.Bıjanov Almaty metrosynyń qurylysyn qamtamasyz etý úshin barlyq sharalar qabyldanatynyn jetkizdi.
* * *
Parlament Senatynyń depýtaty, Áleýmettik-mádenı damý komıtetiniń múshesi Nurlan Orazalın Almaty qalasyndaǵy Qazaq ulttyq agrarlyq ýnıversıtetinde bolyp, stýdenttermen jáne professorlyq-oqytýshylar quramymen kezdesti.
Júzdesýde senator «Qazaqstan-2050» Strategııasy aıasynda memlekettik jastar saıasatyn iske asyrý máselelerine toqtaldy. HHI ǵasyrda bilimdiler alǵa shyǵatynyn aıtqan depýtat sapaly bilim alýǵa jáne jastardy otansúıgishtikke tárbıeleýge nazar aýdardy.
Kezdesýge qatysqan jastar Elbasy Nursultan Nazarbaevtyń Qazaqstan halqyna Joldaýynda jastardyń aldyna qoıǵan mindetterine qatysty óz oılaryn ortaǵa saldy.
* * *
Aımaqtarǵa sapar aıasynda Parlament Senatynyń depýtattary, Halyqaralyq qatynastar, qorǵanys jáne qaýipsizdik komıtetiniń hatshysy Birǵanym Áıtimova men osy komıtettiń múshesi Sergeı Gromov Oral qalasynda boldy.
Senatorlar oblys ákimi Nurlan Noǵaevpen kezdesti. Júzdesýde oblysta «Qazaqstan-2050» Strategııasyn iske asyrý máseleleri talqylandy.
Sol kúni depýtattar Jáńgir han atyndaǵy Batys Qazaqstan agrarlyq-tehnıkalyq ýnıversıtetinde bolyp, odan ári Oraldaǵy «Zenıt» zaýyty» aksıonerlik qoǵamynyń eńbek ujymymen kezdesti. Kezdesý barysynda depýtattar «Qazaqstan-2050» Strategııasy, «Nur Otan» partııasynyń kezekten tys HV seziniń qorytyndylary jáne halyqty áleýmettik qoldaýǵa baǵyttalǵan zańdar týraly áńgimeledi.
* * *
Parlament Senatynyń depýtaty, Tabıǵatty paıdalaný jáne aýyldyq aýmaqtardy damytý komıtetiniń tóraǵasy Sergeı Kýlagın Petropavl qalasynda bolǵan aýyl sharýashylyǵynyń saltanatty sharasyna qatysty.
Senator Soltústik Qazaqstan oblysynyń basshylyǵymen jáne argoqurylymdardyń ókilderimen kezdesti. Sharaǵa qatysýshylar aýyl sharýashylyǵy jylyn qorytyndylap, qol jetken tabystardy atap ótti.
* * *
Aımaqtarǵa dástúrli sapar aıasynda senator Anatolıı Bashmakov Petropavl qalasynda oblystyq ishki saıasat, jastar saıasaty máseleleri jónindegi basqarmalardyń qyzmetkerlerimen, ardagerler uıymdary men úkimettik emes uıymdardyń, ulttyq mádenıet ortalyqtarynyń ókilderimen kezdesti.
Kezdesýlerde «Nur Otan» partııasynyń kezekten tys XV sezinde Elbasy Nursultan Nazarbaev alǵa qoıǵan mindetterdi iske asyrý máseleleri talqylandy. Ásirese, jastar saıasatyna erekshe nazar aýdaryldy. Partııa Tóraǵasy «Nur Otan» partııasynyń sezinde HHI ǵasyrda áleýmettik jańǵyrtýdyń mańyzdy baǵyty bolyp tabylatyn jastar saıasatyna qoldaý bildiretin partııa alǵa shyǵatynyn atap ótken bolatyn.
* * *
Parlament Senatynyń depýtaty Sergeı Plotnıkov О́skemendegi birqatar áleýmettik-mádenı jáne sport nysandary qurylysynyń barysymen tanysty.
О́skemen turǵyndary depýtatpen «Qazaqstan-2050» Strategııasyn iske asyrýdyń alǵashqy nátıjeleri týraly oı bólisip, ekonomıkany, áleýmettik salany, memlekettik qyzmet júıesin jańǵyrtý jónindegi memlekettik reformalarǵa qoldaý bildirdi.
S.Plotnıkov aldaǵy kúnderde О́skemendegi jylý-elektr stansasyn jańǵyrtý jaıymen tanysyp, Semeıge baratyn bolady, dep habarlady Senattyń baspasóz qyzmeti.