Qyzylorda oblysynyń burynǵy ákimi Qýanyshbek Ysqaqovqa qatysty úkim shyǵaryldy. Sottyń sheshimine sáıkes ol jazasyn túrmede óteýi tıis, dep habarlaıdy Egemen.kz
Úkim №2 Qyzylorda qalalyq sotynda jarııa etildi, sóıtip sot Q.Ysqaqovty jeti jylǵa bas bostandyǵynan aıyrdy. Ol jazasyn ortasha qaýipsizdik kolonııasynda óteýi kerek. Odan ózge, ony memlekettik, ulttyq jáne kvazımemlekettik uıymdarda qyzmet atqarý quqyǵynan aıyrdy.
Aıta keteıik, buǵan deıin prokýror Qyzylorda oblysynyń burynǵy ákimin segiz jylǵa bas bostandyǵynan aıyryp, memlekettik aıyptaýshy Q.Ysqaqovty "asa iri kólemdegi alaıaqtyq" úshin kináli dep tanýdy suraǵan edi.
Eske salaıyq, Qýanyshbek Ysqaqov osy jyldyń naýryz aıynyń sońynan bastap úıqamaqta boldy. Oǵan Qylmystyq kodekstiń 190-baby 4-bóliginiń 2-tarmaǵy boıynsha aıyp taǵyldy. Tergeý barysynda onyń taǵy 4 sybaılastyna da sot málimdemesi shyqty. Istiń fıgýranttary Qyzylorda oblysy ákiminiń burynǵy orynbasary Murat Imandosov jáne ákimniń basqa eks-orynbasary Marat Delmuhanov. Sonymen qatar, aıyptaý aktisiniń kóshirmesi bıznesmen Jeńisbek Ysqaqov pen Azat Dosmaıylovqa berildi.