Búgin, Nur-Sultan qalasynyń ýaqytymen saǵat 15-00-de Qazaqstan Prezıdenti Qasym-Jomart Toqaev vıdeo konferensııa rejıminde ótetin Joǵary Eýrazııalyq ekonomıkalyq keńestiń otyrysyna qatysady. Keńeske Belarýs Respýblıkasy tóraǵalyq etedi. Bul týraly Prezıdenttiń baspasóz hatshysy Berik Ýálı Facebook paraqshasynda jazdy, dep habarlaıdy Egemen.kz.
"Sammıtke Eýrazııalyq ekonomıkalyq odaqqa múshe memleketterdiń basshylarynan bólek, baqylaýshy el esebinde Moldova Prezıdenti, shaqyrylǵan memleketter retinde О́zbekstan men Kýbanyń basshylary qatysady. Jıynda Eýrazııalyq ekonomıkalyq odaqty damytýdyń ózekti máseleleri, onyń ishinde, Eýrazııalyq ekonomıkalyq ıntegrasııanyń 2025 jylǵa deıingi strategııalyq damý baǵyttarynyń pysyqtalǵan jobasy, Odaqtyń halyqaralyq qyzmetiniń keıbir aspektileri talqylanbaq", dep jazdy B.Ýálı.
Is-shara qorytyndysy boıynsha Eýrazııalyq ekonomıkalyq odaqtyń tıimdiligin odan ári nyǵaıtýǵa baǵyttalǵan birqatar qujatqa qol qoıylmaq.