Bıyl memleketimiz úshin Abaı Qunanbaıuly, Ábý Nasyr ál-Farabı sııaqty uly tulǵalarymyzǵa bas ııý, qurmetteý, ulaǵattaýǵa, elimizdegi turaqtylyq pen b eıbitshiliktiń jarshysy Qazaqstan halqy Assambleıasynyń 25 jyldyǵyn atap ótýge baǵyttalǵan óte aıryqsha mereıli jyl bolyp otyrǵan barshamyzǵa belgili, dep habarlaıdy Egemen.kz
Mańǵystaý oblysyndaǵy joǵary bilim berýdiń jetekshi ordasy Esenov ýnıversıtetinde de osy ataýly datalarǵa arnalǵan sharalar júıeli túrde keń aýqymda ótkizilip otyr. Qarasha aıynda saltanatty jaǵdaıda Abaı men ál-Farabı atyndaǵy 500 oryndyq oqý aýdıtorııalaoynyń ashylý rásimi, Túrki eline máshhúr tulǵa – Beket Ata Myrzaǵululynyń 270 jyldyǵyna arnalǵan halyqaralyq ǵylymı konferensııa ótti. 2 jeltoqsanda Mańǵystaý oblysynyń Qazaqstan halqy Assambleıasy men Sh.Esenov atyndaǵy KTjIÝ-i "Qazaqstan halqy Assambleıasy" kafedrasynyń uıymdastyrýymen etnosaralyq qatynastar salasyndaǵy memlekettik saıasattyń ózekti máseleleri boıynsha syndarly jáne ashyq dıalogty qamtamasyz etý maqsatynda "Qazaqstan halqy Assambleıasy: tájirıbesi, ózekti máseleleri, damý tendensııalary" atty halyqaralyq ǵylymı-tájirıbelik konferensııa ótkizildi.
Konferensııa qonaqtaryna jańa formatta qaıta qurylyp, jańartylǵan "Qazaqstan halqy Assambleıasy", "Rýhanı jańǵyrý" aýdıtorııalary, oblystyq QHA-nyń qyzmeti jónindegi beınerolıkpen tanystyryldy. Konferensııa jumysyna Mańǵystaý oblysy ákiminiń orynbasary, Mańǵystaý oblysy QHA-nyń tóraǵasynyń orynbasary Qalmuratova G.M., Qoldanbaly etnosaıası zertteýler ınstıtýty dırektorynyń orynbasary, QHA Ǵylymı-sarapshylyq keńesiniń tóraıymy Sadvakasova A.K., QHA kafedralarynyń qaýymdastyǵynyń tóraıymy Kalashnıkova N.A., QHA Ǵylymı-sarapshylyq keńesiniń halyqaralyq ekspertteri, Bolgarııa, Iran, Reseı Federasııasynyń ǵalymdary, elimizdiń ár óńirinen ynta bildirýshi memleketik uıymdar, etnomádenı birlestikter, QHA kafedralarynyń ókilderi qatysty.
Konferensııanyń alǵysózin Mańǵystaý oblysy ákiminiń orynbasary, Mańǵystaý oblysy QHA-nyń tóraǵasynyń orynbasary Kalmýratova Gýlmıra Muratqyzy bastap, Sh. Esenov atyndaǵy Kaspıı tehnologııalar jáne ınjınırıng ýnıversıteti prezıdentiniń m.a. Ahmetov Berik Bahytjanuly quttyqtaý sóz sóıledi.
Qoldanbaly etnosaıası zertteýler ınstıtýty dırektorynyń orynbasary, QHA ǴZK tóraıymy, áleýmettaný ǵylymdarynyń doktory Sadvakasova A.K. "Qazaqstandyq biregeılikti qalyptastyrýdaǵy Qazaqstan Respýblıkasy Tuńǵysh prezıdentiniń saıasaty" taqyrybynda konferensııanyń negizgi baıandamasyn oqydy. Baıandamada Elbasy N. Nazarbaevtyń etnosaralyq jáne konfessııaaralyq toleranttylyqty nyǵaıtýdaǵy qyzmetiniń kórnekti nátıjeleri, tyń bastamalary elimizdegi barlyq etnos ókilderin ortaq maqsatqa uıystyra otyryp, álemdik tájirıbede polıetnosty, polıkonfessııalyq memlekettiń turaqty damýynyń úzdik úlgisi retinde tanylǵandylyǵy saraptaldy.
Konferensııa barysynda Áýlıe Klıment Ohrıdskı atyndaǵy Sofııa ýnıversıteti saıasattaný kafedrasynyń professory, saıasattaný ǵylymdarynyń doktory (Bolgarııa) Dronzına T.A.. "Qaqtyǵystardy sheshýdegi QHA róli", QHA kafedralarynyń qaýymdastyǵynyń tóraıymy Kalashnıkova L.N. Gýmılev atyndaǵy EUÝ-diń QHA kafedrasy meńgerýshisi, saıası ǵylymdar doktory "QHA kafedralary qaýymdastyǵynyń Qazaqstan halqy Assambleıasynyń jobalaryn iske asyrýdaǵy jańa trendteri", Daǵystan memlekettik ýnıversıtet professory, fılosofııa ǵylymdarynyń doktory (Reseı Federasııasy) Býttaeva A.M. "Jastar arasynda azamattyq biregeılikti qalyptastyrý patrıottyq tárbıeniń basty faktory retinde (Reseı Federasııasynyń tájirıbesi negizinde)", Yessenov University professory, saıası ǵylymdar doktory Jaýlın K.M. "Qazaqstan Respýblıkasyndaǵy etnosaıasattyń ózekti máseleleri", Vena ýnıversıtetiniń halyqaralyq qatynastar magıstri (Iran) Malakýtıfar Djalal "Qazaqstan men Iran mádenı dıalogynyń keıbir aspektileri" taqyryptarynda baıandamalar oqydy.
Assambleıanyń búginde negizgi jobalarynyń biri – Elbasy N.Nazarbaevtyń Qazaqstan halqy Assambleıasynyń HHV sessııasynda bergen tapsyrmasy boıynsha Sh.Ýálıhanov atyndaǵy tarıh jáne etnologııa, Geografııa ınstıtýty jáne Aqparattyq jáne esepteýish tehnologııalar ınstıtýtymen birlesip daıyndalǵan "Qazaqstan halqy" ınteraktıvti ǵylymı tarıhı kartasy. Sh.Ýálıhanov atyndaǵy tarıh jáne etnologııa ınstıtýtynyń ǵylymı hatshysy, PhD doktor Qozybaeva M.M. kartanyń tanystyrylymyn júrgizdi. Ásirese, Mańǵystaý óńirine baılanysty kartaǵa engizilgen málimetter, etnomádenı ortalyqtar jónindegi aqparat konferensııaǵa qatysýshylardyń erekshe qyzyǵýshylyǵyn týdyrdy.
Konferensııa jumysy tústen keıin óz jalǵasyn taýyp, Zoom platformasy arqyly seksııalyq otyrystarda baıandamalardy tyńdaldy. Konferensııa seksııalarynyń jumystary ulttyq birtektilikti saqtaý men damytýdyń ózekti máseleleri: teorııalyq aspektiler, tájirıbeler men usynystar, qoǵamdyq kelisimdi nyǵaıtý jáne ınklıýzıvti qoǵamdy qalyptastyrý boıynsha QHA qurylymdarynyń qyzmeti, kóp ultty Qazaqstan: qalyptasý tarıhy jáne qazaqstandyq etnostar ókilderiniń eldiń damýyna qosqan úlesi baǵyttarynda júrgizildi.
Grıvennaıa L., QHA kafedralary qaýymdastyǵy tóraǵasynyń orynbasary, M. Qozybaev atyndaǵy SQÝ-niń QHA kafedrasynyń meńgerýshisi, t.ǵ.k, Mamytova S.N., S.Toraıǵyrov atyndaǵy Pavlodar ýnıversıtetiniń QHA kafedrasynyń meńgerýshisi, t.ǵ.d., Býıanova L., Sankt-Peterbýrg memlekettik mádenıet ınstıtýty, t.ǵ.k., Djýmalıeva L., S.Seıfýllın atyndaǵy Qazaq agrotehnıkalyq ýnıversıteti, qaýymdastyrylǵan professor m.a., t.ǵ.k., Djaılhanova A., "Qoǵamdyq kelisim" KMM dırektory, Qamarova N., Yessenov University-diń "Qazaq fılologııasy" kafedrasynyń professory, f.ǵ.k., jáne t.b. ulttyq saıasattyń ózekti de, tyń taqyryptaryna baıandamalaryn oqydy. Konferensııa baǵdarlamasynda qarastyrylǵan máseleler boıynsha qyzý ǵylymı pikirtalas bolyp, qatysýshy ǵalymdar óz oılaryn ortaǵa saldy.
Atalǵan ǵylymı shara barysynda memlekettik etnosaıasatty qalypty damytý baǵytynda kóptegen paıdaly usynystar men utymdy pikirler aıtylyp, konferensııa rezolıýsııasyna engizildi.