Qazaqstan Respýblıkasynyń Syrtqy ister mınıstrligine Reseı Federasııasynyń Ýaqytsha senimdi ókili Aleksandr Komarov shaqyryldy, dep habarlaıdy Egemen.kz SIM baspasóz qyzmetine silteme jasap.
Kezdesý barysynda Syrtqy ister mınıstriniń orynbasary Marat Syzdyqov Reseı Federasııasy Memlekettik Dýmasynyń Bilim jáne ǵylym jónindegi komıtetiniń tóraǵasy Vıacheslav Nıkonovtyń Birinshi arnadaǵy "Qazaqstannyń terrıtorııasy – Reseı tarapynan úlken syılyq" degen sózine qatysty túsinispeýshilik bildirdi.Keıbir reseılik saıasatkerlerdiń Qazaqstanǵa qatysty arandatýshylyq áreketteriniń jıilep ketýi memleketterimiz arasyndaǵy odaqtastyq qatynastarǵa aıtarlyqtaı nuqsan keltiretini atap ótildi.QR SIM reseı tarapynyń mundaı málimdemelerge tıisti baǵa berýin kútýde jáne Reseı Federasııasynyń memleket qaıratkerlerinen mundaı málimdemelerge jol bermeý úshin sharalar qabyldaýǵa shaqyrady.Reseılik dıplomatqa QR SIM ustanymy kórsetilgen nota tabystaldy.