Respýblıkalyq elektrondyq densaýlyq saqtaý ortalyǵynyń derekterine sáıkes, Almaty qalasy boıynsha TMKKK paketi aıasynda 121 medısınalyq uıym, MÁMS paketi boıynsha 142 medısınalyq mekeme qyzmet kórsetip otyr, dep habarlaıdy Egemen.kz.
2020 jyldyń 11 aıynda Almaty qalasy Qoǵamdyq densaýlyq basqarmasynyń medısınalyq uıymdarynda 423 030 naýqas emdeldi, onyń ishinde TMKKK aıasynda - 227 381 adam, MÁMS boıynsha 182 617 naýqas.
Táýliktik stasıonarlar deńgeıinde 307 381 naýqas emdelip shyqty nemese saýyqqandardyń jalpy sanynyń 72,6%-y. Onyń ishinde TMKKK aıasynda 159 024, MÁMS boıynsha 135 585 naýqastar.
Eresekter úshin kardıologııalyq, endokrınologııalyq, nevrologııalyq, revmatologııalyq, oftalmologııalyq, kardıohırýrgııalyq medısınalyq qyzmetter óte qajet.
Alǵashqy medısınalyq-sanıtarlyq kómek uıymdary janyndaǵy kúndizgi stasıonarlarda 67 776 pasıent nemese 2020 jylǵy 11 aıda emdelgenderdiń jalpy sanynyń 16% - y emdeldi. Onyń ishinde TMKKK sheńberinde - 36 660 adam, MÁMS sheńberinde-31 082 pasıent emdeldi.
AMSK uıymdarynyń janyndaǵy úıdegi stasıonar deńgeıinde 15 475 pasıent, onyń ishinde TMKKK sheńberinde - 15 343, MÁMS sheńberinde – 132 pasıent emdeldi. Úıdegi stasıonarlar negizinen balalar men qart adamdar úshin, sondaı-aq koronavırýstyq ınfeksııasy bar naýqastar men olarmen baılanysta bolǵan adamdarǵa úı karantıni úshin uıymdastyrylady.
Almatyda sozylmaly búırek jetkiliksizdigi bar, gemodıalız terapııasyna muqtaj naýqastarǵa qyzmet kórsetiletinin atap ótken jón. 15 gemodıalız ortalyǵynda 2 216 pasıent emdeldi. Gemodıalız qyzmeti tek TMKKK sheńberinde júzege asyrylady.
Sondaı-aq, qala klınıkalarynyń bazasynda joǵary tehnologııalyq medısınalyq qyzmetter boıynsha kómek kórsetiledi. 2020 jyldyń 11 aıynda 35 medısınalyq uıymda 2 825 pasıent emdeldi, onyń ishinde TMKKK sheńberinde – 152, MÁMS sheńberinde - 2 656 pasıent.