Biz buǵan deıin de Almatyda sanıtarlyq-epıdemııalyq sharalardyń saqtalýyn baqylaıtyn 32 monıtorıngtik toptyń kúısheıtilgen rejimde jumysyn jalǵastyryp otyrǵanyn habarlaǵan edik.
Bıylǵy 8 qazan men 19 jeltoqsan aralyǵyndaǵy terseris barysynda 4947 nysan qamtyldy, 1065 (21,5%) nysanda karantındik sharalardyń buzylǵany anyqtaldy. Materıaldar jumys algorıtmine sáıkes berildi. Sot karantındik sharalardy buzǵany úshin birqatar kásipkerlik nysandarynyń qyzmetin toqtatty.
Zańdy jáne jeke tulǵalardy tekserý nátıjesinde QR ÁQBtK-niń 425-babynyń 1-bóligimen shekteý is-sharalaryn saqtamaǵany úshin jalpy somasy 74,7 mln teńgege 890 ákimshilik quqyq buzýshylyq týraly hattama jasaldy.
Qazirgi ýaqytta oıyn-saýyq nysandary arasynda karantın sharalaryn buzýshylardyń anyqtalýyna baılanysty jeke tulǵalar qatysty qabyldanǵan sharalar artýda. Mysaly, Almaly aýdanynyń «Cyber ZONE» kompıýterlik klýbynda betperde rejımin buzǵan 20 jeke tulǵa anyqtaldy.
Jumys nátıjeleri boıynsha ákimshilik sotqa 462-babynyń 1-bóligi «tekserý júrgizýge kedergi keltirý boıynsha» jáne 462-babynyń 3-bóligi oryn alǵan buzýshylyqtardy joıý týraly nusqamany oryndamaý boıynsha 15 zańdy tulǵaǵa qatysty ister berildi:
Medeý aýdany boıynsha - 6 («Manana»-2 meıramhanasy, «Otrar bar» JShS (Tansy) -4, «Sentral» dámhanasy - 1, «Hookah Dreems» laýndj bary - 1, «Global Fýd End» JShS Nebo bary - 1), «Oranjerı Group» JShS restobar -1); Túrksib aýdany boıynsha - 3 («Raıana» meıramhanasy Ilahýnov JK, «Atlantıs» bılıard klýby Bıjanov R.M. JK, «Provans» dámhanasy); Almaly aýdany boıynsha - 3 ( «Aragosta», «Degırmen» dámhanalary, «Doremı» karaokesi); Áýezov aýdany boıynsha - 3 («Mıata» laýndj bary, «Almaly» karaoke-bary, «Playstation Go» oıyn klýby).Sonymen qatar, QR ÁQBtK-niń 462-baby 3-bóliginiń buryn jiberilgen júıeli túrde oryn alǵan buzýshylyqtary boıynsha sot sheshimderi bar:
Jeke kásipker Renat Bıjanovqa 277 800 teńge kóleminde aıyppul salynyp, Túrksib aýdany, Namanganskaıa kóshesi, 35 mekenjaıy boıynsha ornalasqan «Atlantis» bılıard klýbynyń qyzmeti 1 aı merzimge toqtatyldy.
Jáne «Suddenly» JShS-ne («Hookan Dreems» kafe bary) 277 800 teńge kóleminde aıyppul salyndy, Medeý aýdany, Qaıyrbekov kóshesi, 35a meken-jaıy boıynsha ornalasqan «Hookan Dreems» bar kafesiniń qoǵamdyq tamaqtaný qyzmetterin usyný boıynsha qyzmeti 1 aıǵa toqtatyldy.
Bul faktiler monıtorıngtik toptardyń qoǵamdyq tamaqtaný oryndary men qoǵamdyq kólikterde karantındik rejimniń jıi buzylýyn (qashyqtyqty saqtaý jáne maskalardy paıdalaný) aıǵaqtaıdy.
Almaty ákimdigi juqtyrý qaýpin azaıtý maqsatynda qala turǵyndary men qonaqtaryn adamdar kóp jınalatyn jerlerge barmaýǵa shaqyrady. COVID-19 aldyn-alý sharalaryn kúsheıtip, ózińizge jáne basqalarǵa qaýip tóndirmeýdi eskertedi.
ALMATY