Túrkistan oblysy Ordabasy aýdanynyń óńirlik ishki jalpy ónim kólemi 78 mlrd 285 mln teńgege jetti. Iаǵnı ótken jyldyń tıisti kezeńimen salystyrǵanda 10,3 paıyzǵa artqan.
О́ńirlik kommýnıkasııalar qyzmetiniń kóshpeli brıfınginde 11 aıda atqarylǵan jumystaryn qorytyndylaǵan aýdan ákimi Nurbol Turashbekov ónim kólemin arttyrý maqsatynda mańyzdy jobalardy júzege asyrý úshin 15 mlrd 912 mln teńge kóleminde ınvestısııa tartylǵanyn atap ótti. «Jalpy aýdanda 11 aıdyń qorytyndysy boıynsha irili-usaqty 35 kásiporyn jumys istep keledi. Qazirgi tańda, «Qarapaıym zattar ekonomıkasy» baǵdarlamasy aıasynda jalpy quny 1 mlrd 399,3 mln teńge bolatyn 33 joba súıemeldenýde. Al «Bıznes-Bastaý» baǵdarlamasy boıynsha 227 azamat sertıfıkat alyp, jospar 100 paıyzǵa oryndaldy. Bir sózben aıtqanda aýdanda óndirý, óńdeý baǵytyndaǵy jáne jalpy kásipkerlik salasyndaǵy jumystar qarqyndy túrde júrgizilip keledi», dedi N.Turashbekov.
Bıyl aýyl sharýashylyǵy salasyndaǵy ónim kólemi 46 mlrd 885 mln teńgege jetip, 65 774 gektar egistik jer ıegerilgen. Aýdandaǵy jalpy jylyjaı kólemi 82,02 gektarǵa jetken. Olardan 4 370 tonna qııar, 2 420 tonna qyzanaq alyndy. Egistik jerlerdi tıimdi paıdalaný maqsatynda 171,9 gektar jerden eki ret ónim alynýda. Aýyl sharýashylyǵy salasynda 5 mlrd 255 mln teńge ınvestısııa tartyldy. «Sybaǵa» baǵdarlamasy boıynsha 665 iri qara mal alynyp, tapsyrma 138,8 paıyzǵa, «Altyn asyq» baǵdarlamasy boıynsha 4089 mal alynyp, tapsyrma 190,7 paıyzǵa, «Qulan» baǵdarlamasy boıynsha 289 bas jylqy alynyp, jospar 104,3 paıyzǵa oryndalǵan. Aýdanda 379 mal bordaqylaý alańy jumys isteıdi, onyń 100-i bıyl iske qosylǵan.
Túrkistan oblysy