Birlesken kúres áleminiń (UWW) resmı saıtynda kelesi jyly Tokıoda alaýy tutanatyn Olımpııa oıyndarynyń joldamalary sarapqa salynatyn týrnırlerdiń tizimi jarııalandy, dep habarlaıdy Egemen.kz
Qazaqstan quramasy bes birdeı baıraqty básekege qatysa alady. Olardyń barlyǵy da kelesi jyldyń alǵashqy jartysynda ótedi. Alǵashqy jarystyń jalaýy 4-7 naýryz aralyǵynda Italııanyń bas shahary – Rımde jelbireıdi. Bul uzaq jyldar boıy aıtýly federasııada vıse-prezıdenttik qyzmetti atqarǵan Matteo Pellıkoneni eske túsirýge arnalǵan halyqarylyq týrnır. 9-11 sáýirde Almatyda sary qurlyqtyń saıypqyrandary bas qosady. 12-17 sáýirde Alataý baýraıynda Azııa chempıonaty uıymdastyrylady.
О́zderińiz baıqaǵandaı, bizdiń balýandar úshin tamasha múmkindik týyndap otyr. О́z elimizde, óz jankúıerlerimizdiń kóz aldynda ótetin qos birdeı baıraqty básekede jerlesterimiz baryn salyp aıqasyp, kózdegen maqsattaryna qol jetkizýge tıis. Al odan keıingi jarystarda lısenzııaǵa ıelik etý qıyndaı túsedi. Sebebi, 6-9 mamyr aralyǵynda Sofııada tusaýy kesiletin álemdik irikteý týrnıri men 8-13 maýsymda Varshavada uıymdastyrylatyn reıtıngtik jarysta tórtkúl dúnıeniń ár qıyrynan jınalǵan myqtylar kúsh synasady.