Túrkistan oblysynda qańtar – qarasha aıynyń qorytyndysy boıynsha 548,4 myń sharshy metr turǵyn úı, ıaǵnı 4356 páter paıdalanýǵa berildi. Osylaısha turǵyn úıdi iske qosýdyń jyldyq jospary artyǵymen oryndalyp, «Nurly jer» memlekettik turǵyn úı baǵdarlamasy tolyq iske asyrylyp otyr, dep habarlaıdy Egemen.kz
«Nurly jer» baǵdarlamasynyń sapaly oryndalýy oblys basshylyǵy tarapynan qatań baqylaýǵa alynǵan. Baǵdarlama aıasynda memlekettik bıýdjet esebinen 158 nysannyń qurylysyna 36,6 mlrd teńge bólindi. Qarjy 40 arendalyq turǵyn úı, 30 ınjenerlik ınfraqurylym nysany, 89 kredıttik turǵyn úıdiń qurylysyna baǵyttaldy.
Jyl qorytyndysy boıynsha 69 nysan paıdalanýǵa tapsyrylady. Nátıjesinde 2430 otbasy baspanamen qamtamasyz etilip, 3604 jeke jer ýchaskelerine ınfraqurylym júıeleri júrgiziletin bolady. Memlekettik bıýdjet esebinen 1778 páterli satyp alý quqyǵynsyz arendalyq 40 kóp qabatty turǵyn úılerdiń qurylysy júrgizilýde. Al arendalyq 14 turǵyn úı paıdalanýǵa tapsyryldy.
Sondaı-aq oblys aýmaǵynda áleýmettik kredıttik turǵyn úıdi damytý maqsatynda 7 qabatty 24 turǵyn úı salynýda. Nátıjesinde 1452 otbasy qonys toıyn toılaıtyn bolady.
Sonymen qatar Túrkistan qalasy ákimshilik iskerlik ortalyǵynda jańadan 7, 9 jáne 12 qabatty 64 turǵyn úı salynýda. Oblys ákimdigi baspasóz qyzmetiniń málimetine júginsek, elimizde baspanamen qamtamasyz etý boıynsha eń joǵary kórsetkish Túrkistan oblysyna tıesili.