Elimizdiń Bilim jáne ǵylym mınıstri Ashat Aımaǵambetov kelesi jyly oqý baǵdarlamasyna enetin «Álippeniń» qandaı qaripte jaryq kóretinin málim etti, dep habarlaıdy Egemen.kz
«Bizdiń aldymyzda turǵan maqsat – osy «Álippemizdi» erterek oqý baǵdarlamasyna kirgizý. Latyn álipbıi boıynsha tıisti sheshim qabyldandy, bul sheshim boıynsha latyn álipbıine kóshý jumystary kezeń-kezeńimen ótetin bolady. Al bizge kelesi jyldan bastap, «Álippemen» oqı bastaý kerek. Sondyqtan, kelesi jyly qabyldanyp, engiziletin «Álippe» kırıll qarpinde bolady. Odan keıin mektepterde kezeń-kezeńimen latyn álipbıine kóshý jumysy bastalǵanda, árıne «Álippeni» de latyn qarpine kóshiremiz», deıdi mınıstr.
Vedomstvo basshysy bul jalpy qıyn sharýa emestigin tilge tek etti. Eń bastysy – baǵdarlama jáne oqýlyqtardyń mazmuny dep toqtaldy. Atalǵan máseleler qazirgi ýaqytta sheshimin tapqanyn aıtty.
Aıta keteıik, aǵymdaǵy jyldyń tamyz aıynda Bilim jáne ǵylym mınıstri Ashat Aımaǵambetov mektep baǵdarlamasyna sáıkes, 1-synyptarǵa 1-2 toqsan «Álippe», 3-4 toqsan «Ana tili» engiziletinin aıtqan edi. «Álippeni» engizý 2021-2022 oqý jylyna josparlanyp otyr.