2011 jyly ashylyp, eki jyldan soń bankrotqa ushyraǵan Qarabalyq qus fabrıkasy qaıta jandanbaq. Turalap qalǵan kásiporynnyń óndirisin qaıta iske qosatyn ınvestısııalyq jobany «Tobyl» ÁKK» AQ jáne «QazAgroQarjy», «Halyq Banki», «Damý» qory», «Kazakh Export» syndy qarjy ınstıtýttary birlesip iske asyrýda, dep habarlaıdy Egemen.kz.
«Qus fabrıkasynda arnaıy tońazytqysh, jeldetkish jáne tor jabdyqtary, qus soıý sehy men qospajem zaýytynyń jabdyqtary bar bolǵanymen, olar qaıta jóndeýdi qajet etip tur. Olardy reseılik mamandar qaıta qalpyna keltiredi. Buǵan deıin reseılik mamandar qus fabrıkasynyń nysandaryn tekserip, aqaýlaryn anyqtaý úshin bir ret kelip ketken. Odan keıin de kelmek bolyp edi, sebepti jaǵdaılarǵa baılanysty shekaradan óte almady», - dedi «Poultry-Agro» JShS Bas dırektory Qaırat Maıshev.