Semeıde týyp, elordanyń orta mektebinde bilim alǵan, bedeldi ýnıversıtet bitirgen Dáýlet Ýranhaev búginde Eýropalyq fýtbol qaýymdastyqtary odaǵynda (ÝEFA) jumys isteıtin eń birinshi ári jalǵyz Qazaqstan azamaty, dep habarlaıdy Egemen.kz QazAqparat saıtyna silteme jasap.
Fýtbol ındýstrııasynda jumys isteý Dáýlettiń bala kezinen armany bolatyn. Sondyqtan bolar, ÝEFA bas keńsesine qyzmetkerler iriktep jatyr degen jańalyqty estı salysymen birden qujattaryn jınap ótkizdi. Al bas keńseniń jas qazaq jigitin áńgimelesýge shaqyrýy da tosyn bolǵan edi. Dáýlet birden jumysqa qabyldandy. Búginde ol Chempıondar lıgasyna jetekshilik etetin departamentterdiń birinde eńbek etedi.
«Árıne, alǵashqy sátte úlken jaýapkershilikten, abdyrap qalýdan bas aınalǵandaı kórindi. Al qazir bárin jadyma saqtap, qajetti tájirıbe jınaqtaýǵa tyrysyp júrmin. О́ıtkeni, munyń barlyǵy Otanymda, Qazaqstanda qajetime jaraıtyndyǵy sózsiz», dedi jas maman.
Shynymen de Dáýlet Ýranhaev ýaqyty kelgende Otanyna oralyp, jınaǵan mol tájirıbesin otandyq sport ındýstrııasyn damytýǵa qosqysy keledi. Dál osy sebeppen ol buqaralyq sportty damytýǵa qatysty óz usynystaryn qaǵazǵa túsirip, elimizdiń Prezıdenti Qasym-Jomart Toqaevqa hat jazǵan edi. Memleket basshysynyń atynan Strategııalyq josparlaý jáne reformalar jónindegi agenttikten naqty jaýap ta aldy.
«Halyq únine qulaq asatyn memleket» shynymen de jumys isteıdi. Jasym nebári 21-de ǵana ári biletim de az emes. Árıne, keıde jastyń albyrttyǵy da bar shyǵar. Degenmen, men umytqan joq, saýaldarym men usynystaryma jaýap berdi. Memleket menen bezingen joq, bar ekendi biledi. Mine dál osy jaıt meni munan da jaqsy jumys isteýge yntalandyryp otyr. Jınaqtaǵan kez kelgen tájirıbemniń elimniń qajetine jararyna senimdimin», dedi Dáýlet.
Otandasymyz fýtbolmen áýestenýmen qatar elimizdiń ımıdjin shetelde ilgeriletýge tyrysyp, sheteldik dostaryna qazaq halqynyń mádenıeti, salt-dástúri jaıynda únemi aıtyp júredi. Sonymen qatar dostarymen birge Glion ýnıversıteti uıymdastyratyn jyl saıyna kórmege qatysyp, adamdarǵa qazaqtyń as mázirimen, dástúrimen tanystyrady. О́tken jyly Shveısarııadaǵy Qazaqstan stýdentteri prezıdenttik saılaýda daýys berýge qatysý úshin ózderi uıymdasty.
Osylaısha, ony ózderi úshin úlken oqıǵa aınaldyrdy. О́ıtkeni, jastardyń basym kópshiligi alǵash ret daýys berýge qatysqan bolatyn. Munan bólek, Dáýlet Ýranhaev túrli elderde bilim alyp jatqan stýdentter arasynda Abaıdyń 175 jyldyq mereıtoıyna arnalǵan poezııalyq estafetany da uıymdastyrǵan edi.