Memleket basshysy Q.Toqaevtyń tapsyrmasyna sáıkes tórt aı buryn qurylǵan Shymkent qalasyndaǵy "SHANYRAQ" otbasy ınstıtýtynyń jumysy jandanyp, naqty nátıjeler kórsetip otyr, dep habarlaıdy Egemen.kz
Osy jyldyń qyrkúıek aıynda jumysyn bastaǵan ortalyq qyzmetine 4029 az qamtamasyz etilgen jáne kóp balaly ana júgingen. Olarǵa ortalyq mamandary aqparattyq qoldaý, psıhologııalyq, quqyqtyq keńes berý, ataýly áleýmettik kómekke qujat tapsyrý, turǵyn úı kezegine turý, eGov.kz portalynan qyzmetterin alý máseleleri boıynsha kómekter usynǵan.
Sonymen qatar mamandar 2148 otbasymen telefon arqyly baılanysyp, tıesili azyq-túlik úlesteri boıynsha anyqtaý jumystaryn júrgizgen.
"SHANYRAQ" ınstıtýty kóp balaly jáne muqtaj otbasylarǵa qoldaý kórsetý maqsatynda qaladaǵy 26 mekememen birlesken túrde jumys júrgizip keledi.
Ortalyq mamandarymen 48 kezdesý, 7 bıznes-trenıng, 9 psıhologııalyq-trenıng ótkizilgen.
Qosymsha suraqtar boıynsha tegin 109 biryńǵaı baılanys nómirine habarlasýǵa bolady.